दुर्गा प्रसाईं समुहले आजदेखी तीनकुनेमा प्रदर्शन गर्ने

काठमाडौँ,८ मंसिर

दुर्गा प्रसाईं समुहले आजदेखी तीनकुनेमा प्रदर्शन गर्ने भएका छन् । राष्ट्र, राष्ट्रियता, धर्म, संस्कृति र नागरिक बचाउन महाअभियानका संयोजक दुर्गा प्रसाईंले पत्रकार सम्मेलन गरेर आजबाट तीनकुनेमा प्रदर्शन गर्ने बताएका हुन् ।

प्रसाईंले बिहीबार बल्खुमा गरेको कार्यक्रममा युवा सङ्घका कार्यकर्ता र प्रहरीसँग पटक पटक झडप भएको थियो । त्यस क्रममा केही सवारी साधन तोडफोड हुनुका साथै दुवैतर्फ केही व्यक्ति घाइते भएका थिए। बल्खुमा समर्थकलाई सम्बोधन गरेका प्रसाईंले व्यवस्था परिवर्तन नभएसम्म आन्दोलन जारी रहने बताएका थिए ।