भुकम्प प्रभावित क्षेत्र पुगे मेयर ढुंगाना,नीलकण्ठ नगरपालिकाको तर्फबाट आर्थिक सहयोग हस्तान्तरण

धादिङ,१९ कार्तिक 
नीलकण्ठ नगरपालिकाका मेयर भीम प्रसाद ढुंगानाले जाजरकोट पुगेर आर्थिक सहयोग गर्नुभएको छ।आईतबार साँझ जाजरकोटको सदरमुकाम खलंगा पुगेर नगद २ लाख ५० हजार सहयोग गर्नुभएको छ। संघीर सरकारका उर्जामन्त्री शक्ति बहादुर बस्नेत,कर्णाली प्रदेशका अर्थमन्त्री बेदराज सिंहको उपस्थितीमा जाजरकोटका प्रमुख जिल्ला अधिकारी सुरेश सुनुवारलाई नगद २ लाख ५० हजार हस्तान्तरण गर्नुभएको हो ।

नगर प्रमुख भीम प्रसाद ढुंगाना सहित नेपाली काँग्रेसका पुर्व सभापति तथा समाजसेवी रमेश धमला,नगरपालिका संघका सल्लाहकार तथा बरिष्ठ पत्रकार सरोज अधिकारी र नीलकण्ठ नगरपालिकाका सल्लाहकार तथा युवा नेता दिपक कोईराला सहयोग गर्नको लागि जाजरकोट पुग्नुभएको हो ।

नगरबासी र नगरपालिकाको तर्फबाट पाँच लाख सहयोग गर्ने कार्यक्रम अनुरुप जाजरकोट जिल्लाको लागि २ लाख ५० हजार र रुकुम पश्चिमको लागि २ लाख ५० हजार सहयोग गरिन लागिएको हो । सोमबार(भोली) भुकम्प प्रभावित क्षेत्र रुकुम पश्चिम पुगेर सहयोग गरिने नगर प्रमुख भीम प्रसाद ढुंगानाले जानकारी दिनुभएको छ।समस्यामा परेका जाजरकोटबासी र रुकुम पश्चिमका नागरिकहरुलाई केहि सहयोग होस भनेर नीलकण्ठ नगरबासीको तर्फबाट सहयोग गरीएको ढुंगानाले बताउनुभएको छ ।

दुःखको समयमा एकले अर्कोलाई सहयोग गर्ने नेपाली सस्कृति रहेको भन्दै मेयर ढुंगानाले भुकम्प प्रभावित नागरिकहरुको साथमा नीलकण्ठ नगरपालिका रहेको बताउनुभयो । साथै भुकम्पमा परी ज्यान गुमाउनेहरुलाई श्रद्धाञ्जली व्यक्त गर्दै घाईतेहरुको शिध्र स्वास्थ्य लाभको कामना गर्नुभएको छ।शुक्रबार राति जाजरकोट केन्द्रबिन्दु बनाएर गएको भूकम्पमा परी १५७ जनाको मृत्यु भएको छने १६५ जना घाईते भएका छन् ।