धुवाँकोटमा सम्पन्न तेस्रो कुपा कपको उपाधी कन्यास्थान युवा क्लब नुवाकोटले जित्यो

धादिङ,१३ कार्तिक
नीलकण्ठ नगरपालिका वडा नम्बर १४ धुवाँकोटमा सम्पन्न भएको तेस्रो कुपा कपको उपाधी कन्यास्थान युवा क्लब नुवाकोटले जितेको छ । आईतबार सम्पन्न भएको फाईनल खेलमा विद्यार्थी उपकार संघ पात्लेलाई पेनाल्टी सुटआउटमा हराउदै उपाधी जितेको हो । निधारित समयमा दुबै टिमबाट ३–३ गोल भएपछि भएको पेनाल्टी सुटमा विद्यार्थी उपकार संघ पात्लेबाट खेलेका एन्फा धादिङका उपाध्यक्ष समेत रहेका सुरेश तामाङको पेनाल्टी सुट पोष्टबाट बाहिर गएपछि पुरानो पानी नुवाकोटले प्रतियोगिताको उपाधी आफ्नो पक्षमा पार्दै नगद ५० हजार ५०० जितेको छ ।

यसैगरी उपविजेता बनेको धुवाँकोटको विद्यार्थी उपकार संघले ३० हजार ५०० जितेको छ । आईतबार नै सम्पन्न तेस्रो कुपा कप अन्तरगत भएको १० किलोमिटर दौड बैतडीका नरेन्द्र रावतले जितेका छन् । यसैगरी बैतडीकै मोहन देव जोशीले दोस्रो स्थाना हासिल गर्दे २० हजार रुपैयाँ जितेका छन् । कुपा युवा समाजका भीम गुरुङको अध्यक्षतामा सम्पन्न भएको कार्यक्रममा नगरपालिका संघका केन्द्रिय अध्यक्ष एवंम नीलकण्ठ नगरपालिकाका मेयर भीम प्रसाद ढुंगानाको पमुख आतिथ्यतामा सम्पन्न भएको कार्यक्रममा नगर उप मेयर दिपक विश्वकर्माको विशेष आतिथ्यता रहेको थियो ।

कार्यक्रममा वडा नम्बर १४ का वडा अध्यक्ष नवराज दुवाडी,नगरपालिका संघका केन्द्रिय सल्लाहकार सरोज अधिकारी,नेपाली काँग्रेसका नेता गोपी भण्डारी लगायतको विशेष आतिथ्यता रहेको थियो ।
। पुरस्कार वितरण कार्यक्रमलाई सम्बोधन गर्दै नगर प्रमुख ढुङ्गानाले खेलकुद क्षेत्रको विकास गर्नको लागि आफु तयार रहेको समेत बताउनुभएको थियो । कुपा युवा समाजको निमाणाधिन भवनलाई नीलकण्ठ नगरपालिकाले पूर्णता दिने भन्दै युवाहरुलाई खेलक्षेत्रका विकासको लागि के गर्न सकिन्छ बसेर छलफल गर्नको लागि आह्वान गर्नुभएको छ ।