बाढीपीडितका लागि ज्वालामूखीका कर्मचारीले सात दिनको तलब सहयोग गर्ने
बाढी प्रभावित नुवाकोटको अक्करेमा पतञ्जली योग समिति धादिङद्वारा सामूहिक भोजन सेवा
रसुवा बाढीपहिरोमा नीलकण्ठका २९ जनाको मृत्यु पुष्टि, नगरपालिकाले खोज, उद्धार र अन्त्येष्टि खर्च व्यहोर्ने,भोलि शोक विदा दिने निर्णय
वडा अध्यक्ष अक्षय कोष, नीलकण्ठ कर्मचारी र ब्याडमिन्टन खेलाडीको सहयोगमा नुवाकोटमा राहत वितरण विपद् प्रभावितको उद्धार र पुनःस्थापनामा ज्वालामूखी जनप्रतिनिधिको एक महिनाको सेवा–सुविधा सहयोग गर्ने
भोटेकोसी बाढीमा ज्यान गुमाएका परिवारलाई नीलकण्ठ नगरपालिकाको ४० हजार राहत
धादिङ । गंगाजमुना गाउँपालिकामा शिक्षक सम्मेलन तथा प्रोत्साहन कार्यक्रम सम्पन्न भएको छ । गाउँपालिकाको शिक्षा, युवा, तथा खेलकुद शाखाको आयोजनामा बिहिबार बिद्यालयका असल अभ्यासका सिकाई आदान प्रदानका साथै बिभिन्न बिधामा ५२ जना शिक्षकहरुलाई सम्मान गर्दै सम्मेलन सम्पन्न गरेको हो ।
कार्यक्रमलाई सम्बोधन गर्नुहुँदै प्रमुख अतिथि समेत रहनु भएका संघीय सांसद रामनाथ अधिकारीले विद्यार्थीहरुको भविष्य शिक्षकहरुको हातमा भएको बताउनु भएको छ । शिक्षकहरुकै कारणले विद्यार्थीहरु कस्तो हुने भन्ने कुराको निर्भर हुने भन्दै उहाँले असल भएर शिक्षण पेसा गर्न समेत आग्रह गर्नुभएको छ । शिक्षकहरुले पछिल्लो समय गरेको आन्दोलन प्रति इंकित गर्दै अधिकारीले त्यसको लागि आफुले पैरवी गर्ने समेत आश्वासन दिनुभएको छ । उहाँले संघीय शिक्षा ऐनमा भएका बुँदाहरुमाथि आफुहरु शिक्षकहरुको सुझावलाई लिएर माग सम्बोधन गर्न तर्फ अग्रसर हुने समेत प्रतिवद्धता व्यक्त गर्नुभएको छ ।
बाईट रामनाथ अधिकारी
कार्यक्रमलाई सम्बोधन गर्नुहुँदै कार्यक्रमका विशेष अतिथी तथा जिल्ला समन्वय समिति धादिङका प्रमुख नवराज अधिकारीले ज्ञान सिप धारणाको विकाससँगै प्रविधिमैत्री शिक्षा र व्यवहारीक शिक्षामा जोड दिदै शिक्षाले मानिसको व्यवहारमा परिवर्तन ल्याउनुपर्ने बताउनु भएको छ ।
बाईट नवराज अधिकारी
गाउँपालिकाका अध्यक्ष भक्त बहादुर लामाले शैक्षिक क्षेत्रमा राज्यले निर्देशित गरेको सिद्धान्तहरु भन्दा हाम्रो गुणस्तरलाई कसरी माथि उकास्ने र समृद्ध गंगाजमुना गाउँपालिका बनाउनको लागि सबै एकजुट भएर लाग्नुपर्ने बताउनु भएको छ । कार्यक्रममा उपस्थित भई सुझाव दिनुहुने शिक्षकहरुलाई धन्यावाद प्रकट गर्दै उहाँले शिक्षकहरुले आस्था बिचार जता राखे पनि शैक्षिक गुणस्तर कमि ल्याउन नहुने कुरामा जोड दिनु भएको थियो ।
बाईट भक्त बहादुर लामा
गाउँपालिका अध्यक्ष भक्त बहादुर लामाको अध्यक्षतामा सम्पन्न भएको कार्यक्रममा संघीय सांसद रामनाथ अधिकारीको प्रमुख आतिथ्यता तथा जिल्ला समन्वय समितिका प्रमुख नवराज अधिकारीको बिशेष आतिथ्यतामा रहेको थियो ।
सम्मेलनले गंगाजमुना गाउँपालिकामा शैक्षिक बिकासका लागी थालिएको असल अभ्यास,प्रयास र शैक्षिक गतिबिधिहरुको जानकारी हुनुको साथै शैक्षिक क्षेत्रमा आफुहरु कमीकमजोरी पत्ता लगाई शैक्षिक गुणस्तर अभिवृद्धि गर्न टेवा पुगेको उपस्थित शिक्षकहरुले बताएका छन् ।
