श्रोत परिचालन बचत तथा ऋण सहकारीको २६ औ वार्षिक साधारण सभा मंगलबारबाट सकियो

धादिङ,२४ असोज
श्रोत परिचालन बचत तथा ऋण सहकारी संस्था लिमिटेडको २६ औ वार्षिक साधारण सभाको सम्पन्न भएको छ । असोज १२ गते देखि एकाईगत रूपमा सुरू भएको २६ औ वार्षिक साधारण सभा हिजोबाट सकिएको हो । सस्थाका अध्यक्ष रुद्र बहादुर खत्रीको अध्यक्षतामा सम्पन्न भएको साधारण सभामा धादिङ जिल्ला बचत तथा ऋण सहकारी संघ का अध्यक्ष नवराज शर्मा को प्रमुख आतिथ्यता रहेको थियो ।

कार्यक्रममा सस्थाका अध्यक्ष्य रुद्र बहादुर खत्रीले छलफलको प्रस्तावहरु र महासचिव नवराज पाठकले आव २०७९।८०को प्रगती प्रतिवेदन तथा आव २०८०।८१ को वजेट प्रस्तुत गर्नुभएको थियो । त्यसैगरि सुपरिवेक्षण समितिका संयोजक दुर्गा अधिकारिले लेखा सुपरिवेक्षण समितिको प्रतिवेदन तथा सुझाव पेश गर्नु भएको थियो ।एकाई भेलाले अध्यक्षको प्रस्ताव उपर छलफल गरि सबै प्रस्तावहरु लाई प्रतिनिधि एकाई भेलाको प्रतिनिधि हरू बाट सर्वसम्मत पारित गरिएको छ ।

वि।स २०५४ कार्तिक १२ मा २६ जना द्वारा स्थापित संस्था हाल ७९७९ सदस्यहरु र ५६ करोड ११ लाख ६१ हजार कुल सम्पती रहेको छ । संस्थाले जिल्लाको गल्छी गाउँपालिका वडा नम्बर ७ गल्छीबजार र त्रिपुरासुन्दरी गाउँपालिका वडा नम्बर २ सल्यान्टारमा समेत सेवा केन्द्र स्थापना गरि सन्चालन गरेको छ ।सस्थाले आव २०७९।८० मा रु २ करोड ५७ लाख ३१ हजार नाफागरी १५.५ शेयर लाभांश र रु ५० लाख ८२ हजार संरक्षितपुजि फिर्ता को बापत गरि जम्मा रु १ करोड ४६ लाख रकम आफ्ना शेयर सदस्यहरुलाई वितरण गर्ने सर्वसम्मत निर्णय गरेको छ ।