गोदार थापा सेवा समाज धादिङको भेला जुँगेखोलामा सम्पन्न,धादिङका गोदार थापाहरु एक हुदै

धादिङ,२१ असोज
गोदार थापा सेवा समाज धादिङको पहिलो बैठक तथा भेला थाक्रे गाउँपालिका वडा नम्बर ७ सातकिलोमा सम्पन्न भएको छ । शनिवार गोदार थापा सेवा समाज धादिङका अध्यक्ष कृष्ण बहादुर गोदार थापाको अध्यक्षतामा बसेको बैठकले विभिन्न ६ वटा महत्वपुर्ण निर्णय समेत गरेको छ । धादिङ जिल्लाभर छरिएर रहेका गोदार थापाहरुलाई एकत्रित बनाई बंशावली खोजि गर्ने उदेश्यले गोदार थापा सेवा समाज धादिङको गठन गरीएको सचिव रामकुमार थापाले जानकारी दिनुभयो ।

बैठकले गोदार थापा सेवा समाज धादिङलाई दर्ता गरी बैधानिक रुपमै सन्चालन गर्ने निर्णय समेत गरेको छ ।बैठकले पालिका स्तरमा गोदार थापा सेवा समाज गठन गर्ने,जिल्लाको कार्यालय जुँगेखोलामा राख्ने,कृषि विकास बैंकमा खाता सन्चालन गर्ने समेत निर्णय भएको छ । गोदार थापा सेवा समाजमा शनिवार १० हजार ५० रुपैँया समेत संकलन गरीएको छ । गोदार थापाहरुले मान्दै आएको बाह्र मष्ट कुलदेवता,कालरात्री लगायतको पुजा विधीलाई एकत्रित बनाउने समेत निर्णय भएको छ । जिल्लाभर रहनुभएको गोदार थापा बन्धुहरुलाई गोदार थापा सेवा समाजमा आवद्ध हुन समाजले आग्रह गरेको छ ।