चाडपर्व लक्षित सेफ्टीपिन कार्यक्रम सन्चालन गर्दै धादिङ प्रहरी

धादिङ,१५ असोज
जिल्ला प्रहरी कार्यालय धादिङले जिल्लामा पहिलो पटक सेफ्टीपिन कार्य संचालनमा ल्याउने भएको छ । चाडपर्व नजिकिँदै गर्दा यात्रु वर्गमा बिशेष गरी बस भित्रका अपराधिक क्रियाकलापमा रोक लगाउने उदेश्यले यस किसिमको कार्य सुरुवात गर्न लागेको हो ।प्रहरीले सामान्य नागरिक जस्तो यात्रु बनेर बसमा यात्रा गर्ने र बस भित्रका गतिबिधि नियालेर एस एम. एस द्धारा नजिकको प्रहरी युनिटमा खवर गरि अपराधिक घटना नियन्त्रणमा लिने जिल्ला प्रहरी कार्यालय धादिङका प्रहरी उपरिक्षक गौतम मिश्रले बताउनु भयो ।

उहाँले आईतबार पत्रकार सम्मेलनको आयोजना गरि सो कुरा बताउनु भएको हो। उहाँले चालक सहचालकले यात्रुलाई गरेको दुब्र्यवहार तथा पकेटमारी, महिला माथी हुुने हिंसा लगायतकोे घटनामा कमी ल्याउन यस किसिमको कार्यक्रम सचालन गर्न लागीएको बताउनु भएको छ । त्यसैगरी जिल्ला प्रहरी कार्यालय धादिङले चाडपर्वलाई लक्षित गर्दै राजमार्ग लगाएत जिल्ला भरमा नै अपराधिक घटना न्यूनिकरणका लागी बिशेष योजना ल्याएको प्रहरी उपरिक्षक मिश्रको भनाई छ ।