१३ किलो गाँजाको धुलो सहित थाक्रेका एक युवा पक्राउ

धादिङ, ३० भदौ ।
शनिवार प्रहरीले १३ किलो गाँजाको धुलो सहित एक जना युवालाई पक्राउ गरेको छ। अबैध लागु औषध गाँजाको धुलो (पोल्याण्ड) सहित थाक्रे गाउँपालिका वडा नम्बर ३, मसिनो डाँडाका २४ वर्षका गणेश तामाङलाई प्रहरीले पक्राउ गरेको हो ।

महादेवबेशीबाट काठमाण्डौ तर्फ जाँदै गरेको बागमती प्रदेश ०२–०३३ प ७२७१ नम्वरको पल्सर मोटरसाइकल चेकजाँच गर्दा मोटरसाइकल चालक तामाङको साथबाट १३ किलो ६०० ग्राम गाँजाको धुलो फेला परेको जिल्ला प्रहरी कार्यालय धादिङले जनाएको छ ।धादिङको धुनिबेसी नगरपालिका–६ आकाश भैरब पेट्रोलपम्प नजिकै बाट तामाङ पक्राउ परेका धादिङका प्रहरी नायव उपरिक्षक सन्तुलाल प्रसाद जैसवारले जानकारी दिनुभएको छ ।