आज निजामती दिवसः धादिङमा प्रभातफेरी सहित पुरस्कार वितरण गरिदै

धादिङ,२२ भदौ
निजामती सेवा दिवसको अवसर पारेर धादिङबेसीमा प्रभातफेरी सहित पुरस्कार वितरण गरिने भएको छ । २०१३ साल भदौ २२ गते निजामती सेवा ऐन जारी भएको दिनको अवसर पारेर हरेक वर्ष भदौ २२ गतेलाई निजामती सेवा दिवसको रुपमा मनाउने गरिएको छ । निजामती सेवा दिवसरको अवसर पारेर धादिङमा सप्ताहव्यापी कार्यक्रम सम्पन्न गरीएको थियो ।

सप्ताहब्यापी कार्यक्रमका बिजेताहरुलाई पुरस्कार वितरण गरिने कर्मचारी मिलन केन्द्रका अध्यक्ष अजय बिक्रम मानन्धरले जानकारी दिनुभयो । ब्याडमिन्टर प्रतियोगितामा प्रथम,द्धितिय र तृतीय हुनेलाई शिल्डबाट पुरस्कार गरिने छ । यसैगरी फुटबल प्रतियोगितामा बिजेत र उप बिजेता हुनेहरुलाई मेडलबाट, रक्तदान कार्यक्रममा सहभागीहरुलाई प्रमाणपत्र र कविता प्रतियोगितामा प्रथम,द्धितिय तृतीय हुनेहरुलाई नगदबाट पुरस्कार वितरण गरिने छ ।
निजामती सेवा दिवसको अवसरमा प्रभातफेरी सहित समापन सत्र सन्चालन गरिने छ । पुछारबजाबाट सुरु हुने प्रभातफेरी मालपोत चोकमा पुगेर जिल्ला समन्वय समितिको हलमा पुगेपछि सभामा परिणत हुने आयोजकले जानकारी दिएको छ ।