आज धादिङ, चितवन र मकवानपुरमा सार्वजनिक बिदा

धादिङ । बागमती प्रदेश सरकारले आज चेपाङहरूको राष्ट्रिय पर्व न्वागी (छोनाम)को अवसरमा सार्वजनिक बिदा दिएको छ । प्रदेशका मकवानपुर, चितवन र धादिङमा अति सीमान्तकृत चेपाङ जातिको बसोबास रहेको जनाउँदै चेपाङ समुदायको बसोबास भएका आधारमा  धादिङ सहित तीन जिल्लामा आज सार्वजनिक बिदा दिने निर्णय गरेको हो ।

केही दिनअघि बसेको प्रदेश मन्त्रिपरिषद् बैठकको निर्णयानुसार सार्वजनिक विदा दिएको हो । प्रदेश सरकार सबै भाषा, धर्म, सम्प्रदाय, जातजातिको पहिचान र संस्कृतिको सम्मानमा जुटेको भन्दै न्वागी पर्वका अवसरमा प्रदेशवासीमा आपसी भाइचारा र आत्मीयता बढोस् भन्दै मुख्यमन्त्रि शालिकराम जम्कटेलले शुभकामना समेत व्यक्त गर्नुभएको छ ।

नेपाल चेपाङ सङ्घको आयोजनामा चेपाङ समुदायको सवै भन्दा बढि बाहुल्यता रहेका धादिङ जिल्लामा आज बागमती प्रदेशका मुख्यमन्त्रि शालिकराम जम्कट्टेलको प्रमुख आतिथ्यतामा गजुरी ५ च्याङ्लीमा छोनाम विशेष औपचारिक कार्यक्रमको आयोजना गरिएको छ ।