बैदेशिक रोजगारलाई सुरक्षित बनाउन नीलकण्ठ १२ को रिजालडाँडामा सामुदायिक अभिमुखीकरण कार्यक्रम सम्पन्न

धादिङ्ग,१९ भदौ 
धादिङको नीलकण्ठ नगरपालिका वडा नम्बर १२ रिजालडाँडामा सामुदायिक अभिमुखीकरण अन्तरगत पहिलो चरणको समुह छलफल सम्पन्न भएको छ । बैदेशिक रोजगारलाई सुरक्षित,भरपर्दो र मर्यादीत बनाउनको लागि समुह स्तरमै गएर जानकारी गराउने उदेश्यले कार्यक्रम सम्पन्न गरीएको हो। सुरक्षित आप्रवासन (सामी) परियोजना अन्तरगत नीलकण्ठ नगरपालिकाको आयोजनामा सम्पन्न भएको कार्यक्रममा ८० जनाको सहभागिता रहेको थियो ।

बैदेशिक रोजगारमा देखीएको समस्या न्युनीकरण गर्नको लागि नीलकण्ठ नगरपालिकाले नगरभित्र सचेतनाको कार्यक्रम सन्चालन गरेको हो। बैदेशिक रोजगारको कारणले उत्पन्न हुने समस्या कम गर्नको लागि नीलकण्ठ नगरपालिकाले आप्रवासी स्रोत केन्द्र सन्चालन, वित्तिय साक्षरता,मनोसामाजिक समस्या न्युनीकरण,न्याय र पैरवीमा काम गर्दै आईरहेको छ ।कार्यक्रममा सुरक्षित आप्रवासन सामी परियोजनाका कार्यक्रम संयोजक दिनेश दुवाडी, सामाजिक परिचालन अधिकृत सम्झना भण्डारी र मनोविमर्शकर्ता रामकुमार थापा,वित्तीय सहजकर्ता सरस्वती लम्सालले सुरक्षित बैदेशिक रोजगारको प्रक्रिया र विद्यमान समस्याको विषयमा जानकारी गराउनुभयो ।

कार्यक्रममा कागजपत्रको महत्व,सिपको महत्व,ईजाजत्र प्राप्त म्यानपावर कम्पनीबाट मात्र जानुको फाइदा,रकम वा पासर्पोट बुझाउदा भरपाई गर्दाको फाईदाको विषयमा कार्यक्रम संयोजक दिनेश दुवाडीले जानकारी गराउनु भएको थियो । यसैगरी सामाजिक परिचालन अधिकृत सम्झना भण्डारीले वित्तीय साक्षरता कक्षको उदेश्य,बैदेशिक रोजगारको कारण हुने पारिवारीक बेमेल,वित्तीय लक्ष निर्धारणको प्रक्रिया र बैदेशिक रोजगारको प्रक्रियामा ध्यान दिनुपर्ने कुराको बारेमा जानकारी गराउनु भएको थियो।

यसैगरी मनोविमर्शकर्ता रामकुमार थापा र वित्तीय सहजकर्ता सरस्वती लम्सालले बैदेशिक रोजगारको कारण उत्पन्न हुने मनोसामाजिक समस्या,लक्षण,वित्तिय साक्षरता कक्षाको फाईदा,कक्षाको छनौट प्रक्रिया, २१ हप्ता सम्म सन्चालन हुने विषय बस्तु,यसबाट पर्ने सकारात्मक प्रभाव, पारिवारीक विखण्डन रोक्ने उपाय,धरेलु हिंसाबाट उत्पन्न हुने समस्याको विषयमा जानकारी गराउनु भएको थियो ।
स्वदेशमै रोजगारी गरौँ यदि विदेश जानेनै भए सहि सुचना र सिप लिएर जाउँ भन्ने उदेश्यले नीलकण्ठ नगरपालिकामा सुरक्षित आप्रवासन (सामी) कार्यक्रम सन्चालन गर्दै आईरहेको छ । नगरपालिकाले बैदेशिक रोजगारको लागी जानेलाई निःशुल्क सिप, न्याय, समस्याको परेको व्यक्तिको उद्धार र आप्रवासी श्रोत केन्द्र सन्चालन गरीरहेको छ ।