अन्तर्राष्ट्रिय धादिङ समाजका सचिव बाबुकाजी भण्डारीलाई मातृ शोक

धादिङ,१६ भदौ ।
अन्तर्राष्ट्रिय धादिङ समाजका सचिव, धादिङ समाज जापानका सल्लाहकार तथा सामाजिक अभियन्ता बाबुकाजी भण्डारीलाई मातृ शोक परेको छ। अन्तर्राष्ट्रिय धादिङ समाजका सचिव बाबुकाजी भण्डारीको माता लिलामाया भण्डारीको ६७ बर्षको उमेरमा उपचारको क्रममा बुधबार निधन भएको हो । त्रिपुरासुन्दरी गाउँपालिका वडा नम्बर ५ हाल काठमाण्डौको नेपाल टारमा बस्दै आउनुभएको भण्डारीको टिचिङ अस्पतालमा उपचारको क्रममा बुधबार निधन भएको हो । भण्डारीको तिन छोरा र २ छोरी हुनुहुन्छ ।

यसैगरी अन्तर्राष्ट्रिय धादिङ समाजका अध्यक्ष राजन खकुरालले एक शोक विज्ञप्ती प्रकाशित गरी मृतक लिलामायाँ भण्डारीलाई श्रद्धाञ्जली दिनुभएको छ । शोकको यस घडीमा दिवंगत आत्माको चीर शान्तिको कामना सहित भावपुर्ण श्रद्धाञ्जली अर्पण गर्दै लिलामाया भण्डारीको सुपुत्र बाबु काजी भण्डारी लगायत शोकसन्तप्त सिंगो परिवार, आफन्तमा अन्तराष्टिय धादिङ समाज, भावपूर्ण समवेदना प्रकट गर्दछु । ।शोक विज्ञप्तीमा भनिएको छ ।