मुवाँथाई धादिङको अध्यक्षमा मिलन तामाङ

धादिङ,१२ साउन ।
नेपाल राष्ट्रिय मुवाँथाई जिल्ला शाखा धादिङको अध्यक्षमा मिलन तामाङ चयन भएका छन् । शुक्रबार जिल्ला खेलकुद विकास समिति धादिङको कार्यालयमा भएको प्रथम अधिवेशन तथा जिल्ला भेलाले तामाङको अध्यक्षतामा ९ सदस्यीय समिति गठन गरेको हो ।

भेलाले उपाध्यक्षमा ज्यामेन्दो तामाङ (सविना) र मुकेश लुईटेल खत्री, सचिवमा इश्वरी प्रसाद आचार्य, कोषाध्यक्षमा अर्जुन तिमल्सिना चयन भएका छन् । त्यसैगरी सदस्यहरुमा किरण बिक, सुनिता भण्डारी, सारिका धमला, स्नेह श्रेष्ठ रहेका छन् ।

भेलालाई सम्बोधन गर्नुहुँदै जिल्ला खेलकुद विकास समिति धादिङका अध्यक्ष प्रतापसिंह तामाङले निर्वाचित सबैलाइ शुभकामना दिदै मुवाँथाईले आफ्नो गतिविधि नियमित गर्नुपर्ने बताउनुभयो । साथै जिल्ला खेलकुद समिति धादिङले सदैव सहयोग गर्ने पनि बताउनुभयो ।