धादिङमा भएको मैत्रीपुर्ण कबड्डी प्रतियोगितामा काभ्रे जिल्ला प्रथम

धादिङ,९ साउन ।
धादिङ जिल्ला कबडी संघको आयोजनामा आज सम्पन्न भएको मैत्रीपुर्ण कबड्डी प्रतियोगितामा काभ्रे जिल्ला प्रथम भएको छ । धादिङ,काठमाण्डौँ र काभ्रे जिल्लाका जिल्ला स्तरीय टिमबिच भएको प्रतियोगितामा काभ्रे प्रथम हुन सफल भएको हो । जिल्ला कबड्डी संघका अध्यक्ष रत्नेस कुमार यादवको अध्यक्षतामा सम्पन्न भएको प्रतियोगितामा जिल्ला खेलकुद विकास समिति धादिङका अध्यक्ष प्रताप सिंह तामाङको प्रमुख आतिथ्यता रहेको थियो । प्रतियोगितामा प्रथम हुने समुहलाई मेडल र प्रमाणपत्रबाट पुरस्कृत गरीएको थियो । पुरस्कार वितरण कार्यक्रममा नीलकण्ठ नगरपालिकाका कार्य पालिका सदस्य चिनामायाँ श्रेष्ठको विशेष आतिथ्यता रहेको थियो ।