नेपाल नेशनल अस्पताल कलंकीमा साउन ७ गतेदेखी निःशुल्क स्वास्थ्य शिविर हुदै

धादिङ,३ साउन 
काठमाडौँ स्थित कलंकीमा रहेको नेपाल नेशनल अस्पतालको आयोजनामा यहि साउन ७ गतेदेखी बृहत निशुल्क स्वास्थ्य शिविरको हुने भएको छ । साउन ७ गतेदेखि १२ गतेसम्म अस्पताल परिसरमै सञ्चालन हुने शिविर विभिन्न रोगको निशुल्क उपचार तथा परामर्श गरिने व्यवस्थापक समिर शर्माले  जानकारी दिनुभयो ।

शिविरमा जनरल फिजिसियन छाती रोग, जनरल सर्जरी, हाडजोर्नी तथा नशा रोग, बाल रोग, स्त्री तथा प्रसुती रोग, थाइराइड, सुगर तथा हार्मोन रोग, मनोरोग सम्बन्धी परामर्श तथा दन्त मुख तथा गिजा रोगको उपचार हुने अस्पतालले जनाएको छ। अस्पतालका अन्य सम्पूर्ण उपचार सेवामा पनि २५ प्रतिशत छुटको व्यवस्था गरिएको अस्पतालका व्यवस्थापन प्रमूख शर्माले जानकारी दिनुभयो ।

विरामीको सर्वसुलभ तथा गुणस्तरीय उपचार सेवा दिँदै आएको यस अस्पतालले विभिन्न समयमा सामाजिक कार्य पनि गर्दै आएको छ । शिविर बिहान ८ बजेदेखि साँझ ५ बजेसम्म चल्ने छ ।