कुण्डलादेवी मावि भोग्टेनीमा किशोर किशोरीहरुलाई मनोपरामर्श तालिम

धादिङ । नेत्रावती डवजोङ गाउपालिका वडा न ४ स्थित कुण्डलादेवी माविमा मनोपरामर्श तालिम शनिबार सम्पन्न भएको छ । धादिङको नेत्रावती डवजोङ गाउपालिकाको आयोजना तथा धादिङ मनोसामाजिक संस्था नेपालको समन्वयमा बिद्यालयमा अध्ययनरत किशोरकिशोरीहरुलाई मनोपरामर्श तालिम संचालन गरिएको हो ।

मनोसामाजिक परामर्श तालिममा सहभागी किशोर किशोरीहरुलाई सुजन श्रेष्ठ र मनोविमर्शकता बद्री अधिकारीले सहजीकरण गर्नु भएकाको थियो । तालिममा नेत्रावती डवजोङ गाउपालिकाका स्वास्थ्य शाखा प्रमुख कृष्ण बहादुर पौडेल प्रमुख आतिथ्यतामा भएको कार्यक्रममा जोगिमारा स्वाथ्थ चौकीका प्रमुख रमेश अर्याल,कान्तिुपुर टिभीका उप सम्पादक पोषनाथ अधिकारी, नेपाल टेलिभिजनका पत्रकार शिव सिलवाल लगाएतको आतिथ्यता रहेको थियो ।

तालिममा मनोसामाजिक समस्या, समस्याका कारणहरु,लक्षण,अवलम्बन गर्नुपर्ने उपाय,विद्यालयमा जाने किशोरी किशोरीहरुमा देखिने असर,तनाव ब्यवस्थापन, कन्भर्सन डिसअर्डरका लगाएतको बिषयमा सहजीकरण गरिएको थियो ।
धादिङ मनोसामाजिक संस्था नेपालले मनोसामाजिक समस्या कम गर्न बिभिन्न तालिम, गोष्ठी लगाएत काउन्सिलिङको काम गर्दै आएको छ ।