विश्व वातावरण दिवसको अवसरमा धादिङका विभिन्न स्थानमा सरसफाइ कार्यक्रम

धादिङ । विश्व वातावरण दिवसको अवसरमा धादिङका विभिन्न स्थानमा सरसफाई कार्यक्रम गरिएको छ । जिल्ला प्रहरी कार्यालय, डिभिजन बन कार्यालय धादिङ, नीलकण्ठ नगरपलिका र विभिन्न सरकारी तथा गैर सरकारी सघं संस्थाहरुको संयुक्त आयोजनामा नीलकण्ठ–१२ स्थित पशुपतिनाथ मन्दिर परिसर, थोपल खोला एरिया हुँदै पुच्छार बजार सम्म सरसफाई कार्यक्रम गरिएको हो ।

प्रमुख जिल्ला अधिकारी बद्री नाथ गैह्रेको प्रमुख अतिथ्यता भएको सरसफाई कार्यक्रममा विभिन्न राजनितिक दलका प्रतिनिधिहरु, विभिन्न विद्यालयका शिक्षक शिक्षिका, विद्यार्थीहरु, यातायत व्यावसायीहरु, सामुदायिक सेवा केन्द्रका पदाधिकारीहरु, नेपाली सेना, सशस्त्र प्रहरी बल र प्रहरी कर्मचारीहरु समेत गरी १८५ जनाको उपस्थिति रहेको थियो ।