धादिङमा फागुन २३ गतेदेखी जिल्ला स्तरीय राष्ट्रपति रनिङ शिल्ड प्रतियोगिता हुने

धादिङ,१२ फागुन
जिल्ला स्तरीय राष्ट्रपति रनिङ शिल्ड प्रतियोगिता फागुन २३ गतेदेखी हुने भएको छ । १२ औं धादिङ जिल्ला स्तरीय राष्ट्रपति रनिङ शिल्ड प्रतियोगिताको तयारीको लागि बिहिबार बसेको बैठकले फागुन २३ गतेदेखी प्रतियोगिता सन्चालन गर्ने निर्णय गरेको हो । जिल्ला खेलकुद विकास समिति धादिङका अध्यक्ष प्रताप सिं तामाङको संयोजकत्वमा प्रतियोगिता सन्चालन गर्ने विषयमा छलफल भएको हो ।

बैठकले धादिङको गजुरी गाउँपालिका वडा नम्बर ५ स्थित गलौँदी खेलमैदान प्रतियोगिता गर्ने निर्णय समेत गरेको छ । फागुन फागुन २३ गतेदेखि २५ गतेसम्म रनिङ शिल्ड प्रतियोगिता संचालन गर्नको लागि सरोकारवाला निकायसँग बिहिबार बैठक बसेर र निर्याय गरेको जिल्ला खेलकुद विकास समितिका अध्यक्ष प्रताप सिंह तामाङले जानकारी दिनुभयो ।