संसद बैठकमा बोल्दै रामनाथ अधिकारीले भन्नुभयो,“मुस्कान सहितको पुर्नवासको व्यवस्था गरियोस”

धादिङ,४ फागुन।
मुस्कान सहितको पुर्नवासको व्यवस्था गर्न र राष्ट्रिय गौरवको जलाशययुक्त बुढिगण्डकी जलविद्युत परियोजनाको कामलाई अघि बढाउन सांसद रामनाथ अधिकारीले सरकारसंग माग गर्नुभएको छ । बुधबार संसदमा बोल्दै अधिकारीले प्रभावित नागरिकहरूको भावनालाई कदर गरेर मुस्कान सहितको पुनर्वास तथा पुनर्स्थापना गर्दै उक्त जलविद्युत आयोजनाको निर्माण कार्य अगाडी बढाउन माग गर्नुभयो हो।

उहांले मुआब्जा वितरण, प्रभावित क्षेत्रको विकास निर्माणका कार्यमा चासो दिन सरकारको ध्यानाकर्षण गराउनु भयो।संसदमा बोल्दै अधिकारीले प्रभावित नागरिकहरूको भावनालाई कदर गरेर मुस्कान सहितको पुनर्वास तथा पुनर्स्थापना गर्दै उक्त जलविद्युत आयोजनाको निर्माण कार्य अगाडी बढाउन माग गर्नुभयो।

बुढिगण्डकी आयोजनाबाट मुअब्जा वितरणमा भेदभाव भएको गुनासो धेरै आएको र धनिलाई सहज र गरिब मानिसको अवस्था दिनानुदिन खस्कदो अवस्थामा रहेको बताउनु भएको छ । बुढिगण्डकी आयोजनाबाट धादिङको ६ वटा पालिकाका विभिन्न वडाहरु प्रभावित भएका छन्।