दोस्रो नगर प्रहरी दिवसको अवसरमा धादिङबेसीमा प्रभातफेरी सहित सम्मान कार्यक्रम सम्पन्न

धादिङ,१ फागुन
दोस्रो नगर प्रहरी दिवसको अवसरमा सोमबार धादिङबेसीमा विभिन्न कार्यक्रम गरी मनाईएको छ । नगर प्रहरी दिवसको असरमा प्रभातफेरी,झण्डोतलन तथा सम्मान कार्यक्रम सम्पन्न भएको हो।कार्यवाहक नगर प्रमुख राजन बराईलीको अध्यक्षतामा सम्पन्न भएको कार्यक्रममा जिल्ला प्रहरी कार्यालय धादिङका प्रमुख गौतम मिश्रको प्रमुख आतिथ्यता रहेको थियो। कार्यक्रममा निमित्त प्रमुख प्रशासकीय अधिकृत विष्णु प्रसाद रिजाल,कार्यपालिका सदस्यहरु,सरोकारवाला निकायका प्रमुख एवंम प्रतिनिधिहरुको आतिथ्यता रहेको थियो ।

वि.स.२०७५सालमा एक जना नगर प्रहरीबाट सुरु गरिएकोनगर प्रहरीमा अहिले १० जना कार्यरत रहेका नगर प्रहरी प्रमुख तेज बहादुर लामिछानेले जानकारी दिनुभयो ।नगरपालिका भित्रको सार्वजनिक सम्पत्ती रक्षा गर्नु,विपदको बेलामा उद्धार कार्यमा खट्टीनुपर्ने,जनप्रतिनिधि तथा कर्मचारीको सुरक्षा गर्नु र नगरपालिका भित्र हुने आपराधिक घट्ना रोक्नुनै नगर प्रहरीको काम भएको लामिछानेले बताउनुभएकोछ।

नगर प्रहरी दिवसको अवसरमा बिहान ७ बजेबाट बजार क्षेत्रमा सचेतना मुलक प्रभातफेरी गरिएको छ।प्रभातफेरीमा नगर पालिकाका जनप्रतिनिधि,कर्मचारी,नेपाल प्रहरी,विद्यार्थी लगायत सरोकारवाला निकायका प्रतिनिधिहरुको उपस्थिती रहेको थियो।कार्यक्रमलाई सम्बोधन गर्नुहुदै कार्यक्रममा प्रमुख अतिथी तथा जिल्ला प्रहरी कार्यालय धादिङका प्रमुख गौतम मिश्रले नगर प्रहरीसँग मिलेर काम गर्न आफु तयार रहेको बताउनुभयो।

नगरपालिका भित्र हुने आपराधिक घट्ना रोक्न र शान्ति सुव्यवस्था काम गर्नको लागि आफुहरु सँगसगैँ काम गर्नको लागि आग्रह गर्नुभएको छ ।यसैगरी कार्यक्रमका सभापति तथा कार्यवाहक मेयर राजन बराईलीले नगर प्रहरीको कामको प्रशंसा गर्दै आगामी दिनमा पनि अझै राम्रो काम गर्नको लागि आग्रह गर्नुभयो।दिवसको अवसारमा उत्कृष्ट काम गरेबाट नगर प्रहरी जवान रामबहादुर थापालाई सम्मान गरिएको छ ।