सिद्धलेक गाउँपालिका अध्यक्ष परशुराम खतिवडाको व्यक्तिगत पैसाबाट खाद्यन्न,नगद तथा लत्ताकपडा सहयोग

धादिङ,३ माघ ।
सिद्धलेक गाउँपालिकाका अध्यक्ष परशुराम खतिवडाले व्यक्तिगत पैसाबाट खाद्यन्न,नगद तथा लत्ताकपडा सहयोग गर्नुभएको छ ।सिद्धलेक गाउँपालिका वडा नम्बर १ छाँप गाउँमा रहेको माईली विकको परिवारलाई सोमबार घरमै पुगेर सहयोग गर्नुभएको हो ।
घरमुली लाल बहादुर विकको मृत्यु भएपछि क्रिया बस्दा खाने अन्न,लगाउने कपडा र ओढ्ने तथा ओछ्याउने केहि नहुँदा परालमा सुत्नुपर्ने अवस्थाको माईली विकको परिवारलाई सोमबार साँझ घरमै पुगेर तत्कालको लागि व्यक्तिगत पैसाबाट सहयोग गर्नुभएको हो।

क्रिया बस्दा खाने अन्न नहँुदा छिमेकीको घरबाट मागेर खानुपर्ने अवस्था रहेको थियो । क्रिया बसेका लाल बहादुर विकको श्रीमती माईली विक र १ छोरा पराल ओछ्याएर सुत्नुपर्ने बाध्यता रहेको थियो ।आर्थिक अभावको कारण समस्या भोगेको भन्ने खबर सुन्नसाथ पालिका अध्यक्षले तत्काल व्यक्तिगत रकमबाट २बोरा चामल,दाल ,१ कार्टुन तेल,नुन,सिरक,डसना,म्याट,तन्दा र नगद १० हजार रुपैँया सहयोग गर्नुभएको हो ।

तत्कालको लागि आफुले सहयोग गरेको भन्दै अध्यक्ष खतिवडाले गाउँपालिकाले पनि सहयोग गर्ने प्रतिबद्धता जनाउनु भएको छ ।कार्यपालिकाको बैठक बसेर निर्णय गर्नुपर्ने भन्दै उहाँले बैठक बसेर सहयोग गराँैला भन्दा ढिला हुने भएकोले तत्काल आफ्नै पैसाबाट सहयोग गरेको बताउनुभयो ।पालिकाको अध्यक्ष नहँुदा पनि यसअघि पालिका भित्रका समस्यामा परेका नागरिकहरुलाई सहयोग गरेको भन्दै उहाँले पालिकाबासीको सुख दुखमा आफु सधै सँगै रहने बताउनुभयो।