टोल विकास संस्था महासंघको अध्यक्षमा नरबहादुर श्रेष्ठ निर्वाचित

धादिङ,२४ पुस
टोल विकास संस्था महासंघको अध्यक्षमा नरबहादुर श्रेष्ठ निर्बिरोध निर्वाचित हुनुभएको छ । शनिवार धादिङबेसीमा सम्पन्न भएको भेलाले श्रेष्ठको अध्यक्षतामा १३ सदस्यीय नयाँ कार्यसमिति चयन गरेको हो । पहिलो अधिवेशनको निर्वाचन समितिका संयोजक शेर बहादुर भण्डारीको अध्यक्षतामा सम्पन्न भएको भेलाले नरबहादुर श्रेष्ठको अध्यक्षतामा नयाँ कार्य समिति चयन गरेको हो ।

टोल विकास संस्था महासंघको उपाध्यक्षमा सन्तोष श्रेष्ठ,महिला उपाध्यक्षमा शुसिला भण्डारी,महासचिवमा भिषण श्रेष्ठ,कोषाध्यक्षमा प्रेमनारायण श्रेष्ठ र सचिवमा काजिमान रोक्का सर्बसम्मत निर्वाचित हुनुभएको हो । यसैगरी सदस्यहरुमा द्रोर्नाचार्य सिंखडा,भरत प्रसाद सिंखडा,रेशमराज अधिकारी,कविता बस्यौला अर्याल,सविता सिटौला र ईश्वरी श्रेष्ठ निर्वाचित हुनुभएको हो । भेलाले विभिन्न तिन वटा निर्णय समेत गरेको छ ।