बिहीवारदेखि गोरखाबाट सुरु भएको एकीकरण पदमार्ग पदयात्राको टोली धादिङ आईपुग्यो

धादिङ,२२ पुष ।

राष्ट्रनिर्माता पृथ्वीनारायण शाहले गोरखा राज्य विस्तारका क्रम्मा प्रयोग गरेको पदमार्गलाई पहिचान गरी नेपाली सेनाले एकीकरण पदमार्ग पदयात्रा सुरु गरेको छ । गोरखा दरबार बाट बिहीवारदेखि सुरु भएको एकीकरणपदयात्रा धादिङमा आइपुगको छ । नेपाली सेनाले पृथ्वीजयन्तीको अवसरपारेर ऐतिहासिक नेपाल एकीकरणका क्रम्मा प्रयोग भएको पदमार्गको संरक्षणका लागि पदयात्रा सुरु गरेको छ ।

बिहीवारदेखि गोरखाबाट सुरु भएको पदयात्रा बिहीवार साँझ नै गोरखा र धादिङको सीमा क्षेत्र बोर्लाङघाट पुग्यो । पहिलो दिनमा गोरखाखण्डको नेतृत्व रिपुमर्दन गणले गरेको थियो । ३० जनाको सहभागीता रहेको पदयात्राको टोलीले टर्च, राष्ट्रिय झण्डा, पृथ्वीनारायण शाहकै पालामा स्थापना भएका नेपाली सेनाका पाँच कम्पनीका झण्डासहित पदयात्रा सुरु गरेको थियो ।

नुवाकोटविद्ध हमला गर्दा गोरखाराज्यले बुढिगण्डकी किनारमा रहेको बोर्लाङ्गघाट पार गरी सल्यान्टार हुँदै सामरी भञ्ज्याङ सम्म धादिङ जिल्लामा रहेको पदमार्ग प्रयोग गरेको इतिहास छ । तत्कालीन समयमा काठमाडौको हनुमान ढोका र गोरखा सम्मको दूरी २६ कोष टाढा रहेको र २६ वटै कोषहरुका कोषे ढुंगा गाढिएको मा ७ वटा कोषे ढुंगा धादिङ जिल्लामा रहेका छन्।

सल्यान्टार रानीपौवा, हांसेपसल, खहरेबजार, लाकुरी, कटुञ्जे, भोक्टिनी र थर्पु मा कोषे ढुंगा छन् । धादिङ खण्डमा शुक्रवार र शनिवार दुई दिन हुने पदयात्रा यीनै कोषे ढुंगा भएर पदयात्रा गरिने छ । धादिङ खण्ड अन्तर्गत पदयात्राको टोली शुक्रवार साँझ ताम्बई मा पुगेर बस्ने छ ।
शनिवार बेलुका जर्वजंङ गणलाई टर्च हस्तान्तरण गर्ने छ ।धादिङ खण्डमा कुल ४२ किलोमिटरको दुरी रहेको छ । यो चौथो पटक एकीकरण पदयात्रा गरेको नेपाली सेनाले जनाएको छ । पौष २१ बाट सुरु भएको पदयात्रा पौष २७ गते पृथ्वीजयन्तीका दिन सकिने छ ।