श्रमिकका बालबालिका राख्न महादेववेशीमा दिवा शिशु स्याहार केन्द्रको स्थापना

धादिङ,१९ पुस ।
धादिङको थाक्रे गाउँपालिकाको महादेववेशीमा दिवा शिशु स्याहार केन्द्रको सुरुवात गरीएको छ । श्रमिकका बालबालिकाहरुको पोषण लगायत शिक्षामा पहँुच पुर्याउन उदेश्यले शिशु स्याहार केन्द्रको सुरुवात गरीएको हो । सृष्टि फाउन्डेसन नेपालको आयोजना तथा थाक्रे गाउँपालिकाको सहकार्यमा घरेलु तथा आग्रा/महेश खोलामा आश्रित श्रमिकहरुको बालबालिकाहरुको लागि दिवा शिशु स्याहार केन्द्रको औपचारिक सुरुवात गरिएको हो।

शिशु स्याहार केन्द्रमा २ जना कर्मचारी सहित दिन दुई पटक पोषण युक्त खानेकुरा, खेलकुद, मनोरंजन सहित स्याहार सुसारको व्यवस्था गरिएको सृष्टि फाउन्डेसन नेपालका अध्यक्ष अम्बिका रुपाखेतीले बताउनुभयो । शिशु स्याहार केन्द्रलाई जिल्ला भरि विस्तार गर्ने सृष्टि फाउन्डेसन अध्यक्ष रुपाखेतीको भनाई छ ।

कार्यक्रमलाई सम्बोधन गर्नुहुदै गाउँपालिका अध्यक्ष रामकुमार आचार्यले विद्यालय उमेर पुगेका ३ वर्ष देखि ५ वर्ष सम्मका बालबालिकाहरुलाई पढ्ने वानी बसाल्न र आमालाई उद्दयमशिल बनाउने उद्देश्यले शिशु स्याहार केन्द्र सुरु गरिएको बताउनुभयो । कार्यक्रममा थाक्रे गाउँपालिका गाउँपालिकाका अध्यक्ष रामकुमार आचार्य, उपाध्यक्ष यन्त्र बहादुर थापा (जिन्दगी), प्रमुख प्रशासकीय अधिकृत सबिन सिंह चौधरी लगायतको आतिथ्यता रहेको थियो ।