धादिङमा पर्यटन प्रर्वधनको लागी साइकल र्‍याली

धादिङ । धादिङको पर्यटन प्रर्वधन गर्नको लागि साइकल र्‍याली आयोजना गरिएको छ । पर्यटन प्रवर्धनमा सहयोग पुगोस भनि आठौंं धादिङ महोत्सवको अवसर पारेर धादिङ उद्योग बाणिज्य संघले मलेखु देखि धादिङबेसीसम्म साइकल र्‍यालीको आयोजना गरेको हो ।

कोरोना महामारीले सुस्ताएको व्यापार व्यवसाय माथि उठाउनुको साथै पर्यटकीय सम्भावना रहेको सन्देश दिनको लागि साइकल र्‍यालीको आयोजना गरिएको उद्योग वाणिज्य संघ धादिङका उपाध्यक्ष रामकुमार डल्लाकोटीले बताएका छन् ।
१८ किलोमिटरको दुरीमा रहेको साइकल र्‍यालीमा धादिङबेसी आसपास र धादिङ बाहिरका २१ जना पुरुष र सात जना महिलाका सहभागीता रहेको थियो । लामो समय देखि साइकल चलाउँदै आएको भएपनि सामूहिक रुपमा र्‍यालीमा सहभागी हुन पाउँदा खुशी लागेको मधुकर महर्जनले बताए ।

धादिङ साइकल क्लबको सहयोग समेत रहेको उक्त साइकल र्‍याली मलेखु देखि धादिङबेसीको महोत्सव स्टलमा पुगेर समापन भएको थियो ।