नेत्रावती १ चेमारचोकमा एकिकृत घुम्ती शिविर सम्पन्न

धादिङ,२२ कात्तिक ।
धादिङको नेत्रावती डबजोङ गाउँपालिका वडा नम्बर १ मा एक दिने एकिकृत घुम्ती शिविर सम्पन्न भएको छ । गाउँपालिकाको आयोजनामा आज सम्पन्न भएको शिविरमा एक सय ८३ जनाको निशुल्क स्वास्थ्य परिक्षण गरीएको छ।स्वास्थ्य शाखाको नियमित कार्यक्रम अन्र्तगत गाउँपालिकामा स्वास्थ्य शिविर संचालन गरिएको हो।

आजबाट सुरु गरीएको शिविर गाउँपालिकाको ५ वटै वडामा संचालन गरिने नेत्रावती गाउँपालिकाका स्वास्थ्य शाखाका प्रमुख कृष्ण बहादुर पौडेलले जानकारी दिनुभयो ।नेत्रावती डबजोङ गाउँपालिका वडा नं.१ नेमारचोक आधारभूत विद्यालयमा भएको शिविरमा १ सय २१ जना र सोही वडाको मंगलादेवी माविमा ६२ जनाको स्वास्थ्य परिक्षण गरीएको छ ।

शिविरमा नाक, कान, घाँटी, महिला सम्बन्धी समस्या ,गर्भवती परिक्षण , भिडियो एक्सरे र हाडजोर्नी सम्बन्धी सामान्य स्वास्थ्य जाँच गरिनुका साथै औषधी वितरण गरिएको पालिकाका प्रवत्ता ठाकुर गुरुङले जानकारी दिनुभयो ।शिविरमा पशु स्वास्थ्य शिविर,पशु विमा,जेष्ठ नागरिक परिचयपत्र वितरण र गरिब घर परिचयपत्र वितरण समेत गरीएको छ ।