१ हजार ५१० कोरोना परिक्षण गर्दा ४६ जनामा कोरोना संक्रमण

धादिङ,०१ कात्तिक।
देशभर थप ४६ जनामा कोरोना भाईरसको संक्रमण पुष्टि भएको छ । ८३५ जनाको पिसिआर परिक्षण गर्दा ४२ जनामा र ६७५ जनाको एन्टिजेन परीक्षण गर्दा ४ जनामा संक्रमण पुष्टि भएका स्वास्थ्य तथा जनसङ्ख्या मन्त्रालयले जनाएको छ।

यही अवधिमा १७ जना कोरोना सङ्क्रमणमुक्त भएका छन् । यससँगै देशभर सङ्क्रमणमुक्त हुनेको सङ्ख्या नौ लाख ८७ हजार ४७९ पुगेको छ। सङ्क्रमणमुक्त हुने दर ९८ दशमलव ७ प्रतिशत रहेको मन्त्रालयले जनाएको छ ।

हाल सक्रिय सङ्क्रमितको सङ्ख्या ७३६ रहेको छ । अहिलेसम्म कोरोनाबाट मृत्यु हुनेको सङ्ख्या १२ हजार १८ पुगेको छ ।