खोलाले बगाउँदा एक महिलाको मृत्यु

धादिङ, ९ असोज : धादिङको बेनीघाट रोराङ गाउँपालिका–२ स्थित खानीखोलाले बगाउँदा सोही वडाको पार्लाक निवासी ४१ वर्षीया सुकुमाया चेपाङको मृत्यु भएको छ ।

ताल्तीबाट पार्लाक जाने क्रममा चेपाङलाई खानिखोलाले बगाएको थियो । गम्भीर अवस्थामा उद्धार गरी मलेखु टिचिङ हस्पिटल लगिएकोमा चेपाङको मृत्युभएको जिल्ला प्रहरी कार्यालय धादिङका सूचना अधिकारी प्रहरी नायब उपरीक्षक प्रकाश दाहालले जानकारी दिनुभयो ।

बेनीघाट रोराङ गाउँपालिकाका अध्यक्ष कृष्णबहादुर थपलिया ‘विवेक’ले घटनाप्रति दुःख व्यक्त गर्दै विपद्को यस समयमा आवश्यक सतर्कता अपनाउन गाउँपालिकावासीलाई आग्रह गर्नुभएको छ ।

धादिङमा हालपनि निरन्तरबर्षा भैरहेको छ । हाल भैरहेको बर्षाका कारण मानविय क्षतीभएको धादिङको यो पहिलो घटना हो ।