धादिङ सिद्धलेकमा भलिबल प्रतियोगिता सम्पन्न,उपाधि भरतपुर महानगरले जित्यो

धादिङ,२५ असोज । धादिङ जिल्लाको सिद्धलेक गाउँपालिका वडा न –२ स्थित नलाङ खिर्रेमा भलिबल प्रतियोगिता सम्पन्न भएको छ ।

तमु युवा समाज,सिद्धलेकद्धारा आयोजना गरिएको अन्तर पालिका स्तरीय पुरुष भलिबल प्रतियोगिताको उपाधि चितवनको भरतपुर महानगरपालिकाले जितेको छ ।

हिजो भएको फाईनल खेलमा धादिङको चक्रदेबी सेवा समाजलाई ३—१ ले पराजित गर्दै चितवनको भरतपुर महानगरपालिकाले उपाधि हासिल गरेको थियो । उपाधि हासिल गरेको भरतपुर महानगरलाई नगद एक लाख सहित ट्रफी, मेडल र प्रमाणपत्र प्रदान गरिएको थियो ।

त्यसैगरी प्रतियोगितामा चक्रदेबी सेवा समाजले दोस्रो स्थान सहि नगद ५० हजार र सिद्धलेक गाउँपालिका वडा नं ३ समुहले तेस्रो स्थान सहित नगद ३० हजार प्राप्त गरेका थिए । सिद्वलेक गाउँपालिकाका अध्यक्ष परशुराम खतिवडाको प्रमुख आथित्यता , उपाध्यक्ष सबिता अर्यालको बिशेष आथित्यता तथा प्रमुख प्रशासकीय अधिकृत राममणी मिश्र लगाएतको आतिथ्यतामा सम्पन्न प्रतियोगितामा १२ टिम सहभागीता रहेको थियो ।