धादिङबेशीमा आयोजित रक्तदान कार्यक्रममा ३३ जनाद्धारा रक्तदान

धादिङ,०१ असोज ।
शिवज्योति महिला बचत तथा ऋण सहकारी संस्था लिमिटेडको १६ औँ बार्षिक साधारण सभाको अवसरमा रक्तदान कार्यक्रम सम्पन्न भएको छ। शनिबार सहकारीद्धारा धादिङबेशीमा आयोजित रक्तदान कार्यक्रममा ७ जना पुरुष र २६ जना महिला गरी ३३ जनाले रक्तदान गरेको धादिङ रेडक्रसका उपमन्त्री नारायण कुमार श्रेष्ठले जानकारी दिनुभयो ।

रक्तदान कार्यक्रममा नेपाल रेडक्रस सोसाईटी रक्तसञ्चार सेवा केन्द्रको प्राबिधिक सहयोग रहेको थियो ।जिल्लामा रगतको अभावलाई न्युनीकरण गर्नको लागी विभिन्न मेला, पर्व, उत्सव, सहकारीको बार्षिक साधारण सभा लगायतको भेला हुने कार्यक्रममा रक्तदान कार्यक्रम राखि धादिङमा रगत संकलन गरीदैँ आएको छ ।