लागूऔषध र बन्यजन्तुको आखेटोपहारसहित धादिङका सुक बहादुर तामाङ पक्राउ

धादिङ,११ भाद्र ।
लागूऔषध र बन्यजन्तुको आखेटापहार कारोबार गर्ने धादिङका एक जना पक्राउ परेका छन् ।

प्रहरीले काठमाडौंको तारकेश्वर नगरपालिका–१० स्थित लोकतान्त्रिक चोकबाट लागूऔषध र बन्यजन्तुको आखेटापहार कारोबार गर्ने धादिङको खनियावास–१ घर भएका सुक बहादुर तामाङलाई पक्राउ गरेको छ । भदौ ८ मा पक्राउ परेका तामाङको साथबाट लागुऔषध एम्फेटामाइन ७९ ग्राम, ४ किलो ९४ ग्राम चरेश र आखेटोपहार बरामद गरिएको लागूऔषध नियन्त्रण ब्यूरोका एसपी योगेन्द्र खड्काले जानकारी दिनुभयो ।

काठमाडौंमा रहेको आरोपीको डेराबाट लागु औषध नियन्त्रण ब्यूरोको टोलीले १ हजार दरको १ थान नक्कली रुपैयाँ, २३६ थान नक्कली अमेरिकी डलर, ११ वटा सालकको खपटा, ६ वटा जंगली जनावरको दाँत, पंक्षीको खुट्टा ३ वटा र विभिन्न जनावरका हड्डीहरु बरामद गरेको छ ।
उनको साथबाट प्रहरीले भुटान, म्यानमारसहित ९ देशका मुद्रा बरामद गरेको छ ।

थाइल्याण्डबाट ल्याएको एम्फेटामाइन १० हजारमा बेच्न खोज्दा पक्राउ परेका सुकबहादुर २०७४ माघमा खैरो हेरोइन सहित पाकिस्तानमा पक्राउ परेर छुटेका थिए ।