नीलकण्ठ र गोरखा नगरपालिकाको संयुक्त कार्यपालिकाको बैठक सम्पन्न

धादिङ,३० चैत।
धादिङको नीलकण्ठ नगरपालिका र गोरखाको गोरखा नगरपालिका बिचको संयुक्त कार्यपालिकाको बैठक सम्पन्न भएको छ ।

चितवनको चुम्लिङटार स्थित होटल सिद्र्धाथमा सम्पन्न बैठकले विभिन्न निर्णयहरु पारित गरेको छ। नीलकण्ठ नगरपालिका र गोरखा नगरपालिका बिच भगिनी सम्बन्ध स्थापना भए अनुसार सिकाई आदान प्रदान गर्ने उद्धेश्यले बैठक आयोजना गरीएको हो ।

नीलकण्ठ नगरपालिकाका मेयर भिम प्रसाद ढुंगानाको अध्यक्षतामा सम्पन्न भएको बैठकमा गोरखा नगरपालिकाको मेयर राजन राज पन्त, नीलकण्ठ नगरपालिकाका उप–मेयर मनराज भण्डारी, गोरखा नगरपालिकाका उप मेयर बिना कुमारी श्रेष्ठ, नीलकण्ठ नगरपालिकाका प्रमुख प्रशासकीय अधिकृत नेत्रप्रसाद पौडेल, गोरखा नगरपालिकाका प्रमुख प्रशासकीय अधिकृत दिनेशराज पन्तको आतिथ्य रहेको थियो । संयुक्त कार्यपालिका बैठकमा नीलकण्ठ र गोरखाका वडा अध्यक्षहरु र कार्यपालिका सदस्यहरुको सहभागिता रहेको थियो ।

कार्यक्रममा नीलकण्ठ नगरपालिकाका मेयर भिम प्रसाद ढुंगानाले आगामी दिनहरुमा पनि भगेनी सम्बन्धलाई निरन्तरता दिने बताउनु भएको थियो । दुई नगरपालिका बिच विकास निर्माण तथा सिकाई आदान प्रदानमा महत्वपुर्ण भुमिका खेलेकोभन्दै आगामी दिनमा पनि यसले निरन्तरता पाउने बताउनुभयो ।

कार्यक्रममा बोल्ने अतिथीहरुले नीलकण्ठ र गोरखा बिच स्थापित भएको भगिनी सम्बन्धलाई निरन्तरता दिने प्रतिबद्धता जनाउनु भएको थियो ।एक नगरपालिका र अर्को नगरपालिका बिच अझै सहकार्य गरेर विकास निर्माणको काम पुरा गरि देशभरमै पहिलो र दोस्रो नगरपालिका बनाउने तर्फ लाग्नको लागि लाग्ने बताउनु भएको थियो ।

कार्यक्रममा तयार नेपालका कार्यक्रम अधिकृत सुधा रिमालले विपद् व्यावस्थापनमा नीलकण्ठ नगरपालिकाले हालसम्म गरेका कामको बारेमा जानकारी गराउनु भएको थियो । संयुक्त कार्यपालिका बैठकले अहिले सम्मभएको कामको समिक्षा गरि कार्यान्वयन हुन बाँकी विषयहरुलाई छिटो छरितो रुपमा कार्यन्वयन गर्ने निर्णय गरेको छ ।

यसैगरी दुबै नगरपालिकाहरु बीच भएको भगिनी सम्बन्ध कायम गर्न प्रभावकारी भुमिमा खेल्नु हुने सम्पुर्ण राजनीतिक पदाधिकारीहरु र कर्मचारीहरुलाई धन्यवाद तथा आभार प्रकट गर्ने र यो सम्बन्धलाई आगामी दिनहरुमा निरन्तरता दिने निर्णय समेत गरिएको छ ।

स्थानीय तह स्थापना पश्चात निर्वाचित पहिलो सभाका सम्पुर्ण पदाधिकारीहरुलाई सफल कार्यकालमा लागि हार्दिक बधाई तथा धन्यवाद ज्ञापन गर्दै आगामी दिनमा समेत उहाँहरुको राजनीतिक उन्नयनको लागि शुभकामना दिने निर्णय भएको छ । आगामी दिनहरुमा पारस्परिक सहसम्बन्ध तथा असल अभ्यास आदान प्रदानलाई अझै प्रभावकारी रुपमा अघि बढाउदै लैजाने निर्णय गरिएको छ ।