कृष्णभीरमा पहिरोको जोखिम घटाउन त्रिपाल

धादिङ, ७ असोजः पृथ्वी राजमार्गअन्तर्गत धादिङको बेनीघाट रोराङ गाउँपालिका–७ स्थित कृष्णभीरमा पहिरोको जोखिम न्यूनीकरण गर्न डाइभर्सनको भित्ता त्रिपालले ढाकिएको छ । भारी वर्षा हुन सक्ने पूर्वानुमानलाई ध्यानमा राख्दै सडक विभागले उक्त भित्तामा त्रिपाल लगाएको हो । ।

वर्षाका कारण डाइभर्सन क्षेत्रमा पानी जम्ने तथा भित्ताबाट पहिरो खस्ने जोखिम कम गर्न त्रिपाल लगाइएको हो । राजधानी काठमाडौँलाई देशका विभिन्न जिल्लासँग जोड्ने उक्त सडकखण्डमा वर्षाका समयमा पहिरोका कारण यातायात अवरुद्ध हुने जोखिम रहँदै आएको छ ।

शुक्रबारदेखि भारी बर्षाको सम्भावना रहेकोभन्दै जिल्ला प्रशासन कार्यालय धादिङले सुचना प्रकाशन गर्दै सतकर्ता अपनाउन अनुरोध गरेको छ ।