बाढीपछि धादिङ क्षेत्रमा ६७ शव तथा मानव अवशेष फेला, २६ धादिङमै ब्यवस्थापन

धादिङबेँसी, २१ भदौ : भोटेकोशी–त्रिशूली नदीमा आएको विनाशकारी बाढीपछि धादिङ क्षेत्रमा हालसम्म ६७ शव तथा मानव अवशेष फेला परेका छन्। बागमती प्रदेश प्रहरीको विवरणअनुसार तीमध्ये ११ महिला, दुई बालिका र १४ पुरुषका शव छन् भने लिङ्ग तथा अन्य विवरण नखुलेका शव र मानव अंगसमेत गरी ४० वटा रहेका छन्।

फेला परेका ति सव मध्ये २६ वटा पहिचान नभएको सव धादिङमानै ब्यवस्थापन गरिएको छ । धादिङबाट २७ वटा पश्चिम क्षेत्रीय अस्पताल पोखरा र ७ वटा टिचिङ अस्पताल काठमाडौ पठाईएको थियो । हाल ७ वटा शव गजुरीमा नै रहेको बागमती प्रदेश प्रहरीको प्रतिवेदनमा उल्लेख छ ।

पश्चिम क्षेत्रीय अस्पताल पोखरा पठाइएको शव मध्ये ४ र २ वटा टिचिङ अस्पताल काठमार्डौ पठाईएको शव सनाखत गरि परिवारले बुझिसकेको प्रहरीको भनाई छ । हाल टिचिङमा रहेको ५ वटा सव समेत ब्यबस्थापन गरिसकेको छ ।

धादिङमा बाढिमा फसेका तीन जनालाई घाइते अवस्थामा उद्धार गरिएको थियो ।