रामबहादुर भण्डारीद्वारा चुनावी खर्च सार्वजनिक

धादिङ, ४ चैत्र ।
प्रतिनिधि सभा निर्वाचन २०७९ अन्तर्गत धादिङ निर्वाचन क्षेत्र नम्बर–२ का उम्मेदवार रामबहादुर भण्डारीले आफ्नो चुनावी खर्च विवरण सार्वजनिक गर्नुभएको छ ।

निर्वाचन ऐन, २०७४ को दफा ७२ तथा निर्वाचन आयोगको आचारसंहिताअनुसार पेश गरिएको विवरणमा भण्डारीले कुल ८ लाख ५६ हजार ३५० रुपैयाँ खर्च भएको उल्लेख गर्नुभएको छ ।

सार्वजनिक गरिएको विवरणअनुसार सबैभन्दा बढी खर्च प्रचारप्रसार र सवारी साधनतर्फ भएको देखिएको छ।

निर्वाचन ऐनअनुसार उम्मेदवारहरूले आफ्नो चुनावी खर्च सार्वजनिक गर्नुपर्ने व्यवस्था रहेको छ।