धादिङको दुवै क्षेत्रमा रास्वपाकै अग्रता

धादिङबेशी । दुईवटा निर्वाचन क्षेत्र रहेको धादिङमा प्रतिनिधि सभा सदस्य पदको निर्वाचनको मतपरिणाम गणना कार्य जारी रहेको छ । हाल सम्मको मतगणना अनुसार धादिङको दुवैक्षेत्रमा रास्वपाका उम्मेद्वारले अग्रता लिएका छन् ।

हाल सम्म धादिङ क्षेत्र न १ मा रास्वपाकी उम्मेद्वार आशिका तामाङले १७ हजार ६ सय ३० मत, नेकपा एमालेका उम्मेद्वार भुमी त्रिपाठी ७ हजार ८२ मत, नेकपाका उम्मेद्वार राजेन्द्र प्रसाद पाण्डेले ५ हजार ४ सय ९ र नेपाली काग्रेसका उम्मेद्वार कृष्ण रिजालले ३ हजार ७ सय ७५ प्राप्त गर्नुभएको छ ।

त्यसैगरि क्षेत्र न २ मा

रास्वपाका बोधनारायण श्रेष्ठले अग्रता लिन सफल भएका छन् । हाल सम्मको मत गणनामा बोधनारायण श्रेष्ठको ८ हजार ५ सय ९७, नेपाली काग्रेसका उम्मेद्वार रमेश धमलाको ७ हजार २ सय ८२
नेकपामा उम्मेद्वार राम बहादुर भण्डारीको ५ हजार २ सय ६० र नेकपा एमालेका धनबहादुर घलेका ५ हजार १ सय ४५ रहेको छ । यो मत रुवीभ्याली,खनियाबास,गंगाजमुना त्रिपुरासुन्दरी गाउँपालिका र नेत्रावती डवजोङ १ र २ को हो । हाल धादिङ क्षेत्र न २ मा नेत्रावती डवजोङको अन्य वडाको मतगणना जारी रहेको छ ।