धादिङबेशीमा सहकारी संस्थाहरूको दुई दिने क्षमता अभिवृद्धि तालिम

धादिङबेशी । जिल्ला सहकारी संघ धादिङको आयोजनामा सहकारी संस्थाहरूको क्षमता अभिवृद्धि तालिम सम्पन्न भएको छ । धादिङबेसी स्थित जिविका होटलमा दुई दिने क्षमता अभिवृद्धि तालिम सम्पन्न भएको हो ।

तालिममा २९ वटा सहकारी संस्थाबाट ४० जना सहभागीहरूको सहभागिता रहेको थियो । कार्यक्रमको सहजीकरण राजकुमार श्रेष्ठ र कविन्द्र धौबन्जरले गर्नुभएको थियो । त्यस्तै, कार्यक्रम सञ्चालन जिल्ला सहकारी संघका सचिव गोपाल गुरुङले गर्नुभएको जिल्ला सहकारी संघ धादिङका कोषाध्यक्ष राम बहादुर आले मगरले जानकारी दिनुभयो ।

जिल्ला सहकारी संघ धादिङका अध्यक्ष रङ्ग बहादुर थपलियाको सभापतित्वमा भएको कार्यक्रममा सहकारी विकास तथा गरिबी निवारण मन्त्रालयका प्रशिक्षक भीम बहादुर पाख्रिनको प्रमुख आतिथ्यमा रहेको थियो।

कार्यक्रममा संघका सञ्चालकहरू हरि घिमिरे, कृष्ण प्रसाद पोख्रेल र गायत्री खतिवडा लगायतको उपस्थिति रहेको थियो ।