धादिङमा बढी आयकर बुझाउने तीन करदाता सम्मानित
नीलकण्ठमा DXN को स्वास्थ्य सचेतना तथा व्यावसायिक अवसरसम्बन्धी तालिम सम्पन्न
धादिङमा उच्च सतर्कता अपनाउन जिल्ला प्रशासन कार्यालय धादिङको आग्रह
पशुपति बहुउद्देश्यीय सहकारीको अध्यक्षमा जयराम भण्डारी चयन
पन्टुन पुल निर्माण सम्बन्धी धुनिवेशीमा बसेको स्थानीय तहका प्रमुखहरुको बैठकले गर्यो यस्ता ४ निर्णय
प्रसन्न स्वास्थ्य आमा सहकारीमा वित्तीय साक्षरता र मनोसामाजिक परामर्श तालिम सुरु
धादिङ, माघ २२ गते ।
प्रेस चौतारी नेपाल धादिङले २८ औँ स्थापना दिवस मनाएको छ । धादिङबेसीस्थित मदन–आश्रित भवनमा चियापान तथा छलफल कार्यक्रमको आयोजना गरी मनाएको हो ।
स्थापना दिवसको अवसरमा आयोजित कार्यक्रममा नेकपा एमाले धादिङका अध्यक्ष अर्जुनकुमार श्रेष्ठ (गोर्खाली) ले शुभकामना व्यक्त गर्दै पत्रकारितालाई राज्यको चौथो अङ्गका रूपमा उल्लेख गर्नुभयो । उहाँले प्रेस चौतारी नेपाल देशको विकास र सामाजिक रूपान्तरणमा महत्वपूर्ण भूमिका खेल्दै आएको सशक्त संगठन भएको बताउनुभयो ।
आगामी फागुन २१ गते हुने निर्वाचनलाई शान्तिपूर्ण, निष्पक्ष र विश्वसनीय रूपमा सम्पन्न गराउन सञ्चारमाध्यम र पत्रकारहरूको भूमिका अत्यन्तै महत्वपूर्ण रहेको उल्लेख गर्दै अध्यक्ष श्रेष्ठले प्रेस चौतारीमा आबद्ध पत्रकारहरूले सत्य, तथ्य र निष्पक्ष रूपमा पत्रकारिता गर्ने विश्वास व्यक्त गर्नुभयो ।
कार्यक्रममा नेकपा एमालेबाट धादिङ प्रतिनिधिसभा निर्वाचन क्षेत्र नम्बर २ का उम्मेदवार धनबहादुर घलेले धादिङको विकास र समृद्धिका लागि आफूले उम्मेदवारी दिएको बताउनुभएको छ । उहाँले बुढीगण्डकी जलविद्युत् आयोजना निर्माणदेखि जिल्लाका सातवटै पालिकामा देखिएका विभिन्न समस्या समाधानलाई प्राथमिकतामा राख्ने प्रतिबद्धता जनाउनुभयो।
त्यसैगरी, नेपाल प्रेस युनियनका केन्द्रीय सदस्य पोषनाथ अधिकारीले पत्रकार र पत्रकारिता क्षेत्रले भोगिरहेका समस्या समाधानका लागि सबै पत्रकार संगठनहरू एकताबद्ध भएर अघि बढ्नुपर्नेमा जोड दिनुभयो । उहाँले पत्रकारिता क्षेत्रप्रति समाजको दृष्टिकोण सकारात्मक बनाउँदै यसको दिगोपनाका लागि सहकार्य र समन्वय आवश्यक रहेको उल्लेख गर्नुभयो ।
प्रेस चौतारी नेपाल धादिङका अध्यक्ष अर्जुन श्रेष्ठले संगठनले पत्रकारहरूको पेशागत हक–हित, प्रेस स्वतन्त्रता, अभिव्यक्ति स्वतन्त्रता, पत्रकार सुरक्षा तथा जिम्मेवार र व्यावसायिक पत्रकारिताको पक्षमा निरन्तर आवाज उठाउँदै आएको बताउनुभयो । सत्य, निष्पक्ष र जनमुखी पत्रकारितालाई आधार मानेर प्रेस चौतारी नेपालले सुशासन, सामाजिक न्याय र समावेशी लोकतन्त्रको पक्षमा कलम चलाउने पत्रकारहरूलाई संगठित गर्दै आएको उहाँले उल्लेख गर्नुभयो ।
कार्यक्रममा नेपाल पत्रकार महासंघ धादिङका निवर्तमान अध्यक्ष राजाराम शर्मा, पत्रकार महासंघ धादिङका उपाध्यक्ष मनिष दुवाडी, प्रेस चौतारी नेपाल धादिङका पूर्व अध्यक्ष गायत्री खतिवडा, नेकपा एमाले धादिङका प्रचार विभाग प्रमुख शंकर श्रेष्ठ, प्रेस सेन्टर धादिङका अध्यक्ष नीरबहादुर तामाङलगायत जिल्लाका विभिन्न सञ्चारमाध्यममा आबद्ध पत्रकारहरूको उपस्थिति रहेको थियो।
कार्यक्रममा सहभागीहरूले प्रेस चौतारी नेपालको २८औँ स्थापना दिवसको शुभकामना व्यक्त गर्नुभएको छ ।


स्थानीय मुद्दादेखि राष्ट्रिय सरोकारसम्म, भरपर्दो समाचार र जनताको आवाजलाई जोड्ने निलकन्ठ एफ.एम. र अनलाइन खबर पोर्टल ।
निलकन्ठ एफ.एम. (Neelkantha F.M.)
निलकन्ठ नगरपालिका-३, धादिङ्ग
बागमती प्रदेश, नेपाल
प्रेस काउन्सिल दर्ता न: ......
सूचना विभाग दर्ता नम्बर: .....
| अध्यक्ष : | बद्रि अधिकारी |
| प्रधानसम्पादक : | ..... |
| कार्यक्रारी सम्पादक : | |
| ब्यबस्थापक : | .... |
| कानूनी सल्लाहकार : | ..... |
| बजार ब्यबस्थापक : | ..... |
ताजा समाचार, विशेष सामग्री र रेडियो कार्यक्रम सुन्न हामीसँग जोडिनुहोस् ।