झार्लाङको टासी आ.विका विद्यार्थीलाई शैक्षिक सामग्री तथा न्यानो कपडा वितरण

धादिङ,१९ पुस ।

खानियबास गाउँपालिका–१ झार्लाङमा अवस्थित टासी आधारभूत विद्यालयका ३५ जना विद्यार्थीलाई क्रिसमस तथा नयाँ वर्ष २०२६ को अवसरमा शैक्षिक सामग्री तथा न्यानो कपडा वितरण गरिएको छ।

झार्लाङ उङ्गुलमा आयोजित कार्यक्रममा खानियबास क्रिश्चियन सोशल वर्क टिम का सदस्यहरू दिपक अनासर (जेम्स), मञ्जु तामाङ, अञ्जिता तामाङ, बेमाया तामाङ, एलिशा तामाङ तथा पास्टर मानबहादुर तामाङको आर्थिक सहयोगमा सामग्री वितरण गरिएको हो।

कार्यक्रममा प्रत्येक विद्यार्थीलाई एक–एक थान टोपी र स्विटरका साथै शैक्षिक सामग्रीतर्फ दुई–दुई वटा पेन्सिल र छ–छ वटा कापी प्रदान गरिएको थियो। साथै विद्यालयका कर्मचारीहरूलाई पाँच वटा टोपी र पाँच वटा डायरी पनि वितरण गरिएको छ। सामग्री हस्तान्तरण समूह सदस्य अञ्जिता तामाङद्वारा गरिएको थियो।

उक्त अवसरमा मन्तव्य राख्दै अञ्जिता तामाङले क्रिसमस तथा नयाँ वर्ष २०२६ को शुभकामना व्यक्त गर्दै विद्यार्थीहरूको उज्ज्वल भविष्यको कामना गर्नुभयो। उहाँले आफ्नो टिम सधैं सामाजिक सेवामा सक्रिय रहने प्रतिबद्धता पनि व्यक्त गर्नुभयो।

कार्यक्रममा विद्यालयका शिक्षक–अभिभावक संघका अध्यक्ष नासुन बहादुर तामाङले यस्ता सहयोगात्मक कार्यक्रमले विद्यार्थीको मनोबल बढाउने र शिक्षामा सकारात्मक प्रभाव पार्ने बताउनुभयो।