ईभी हाइस रोकेर चालक श्रेष्ठ आफू अस्ताए, धादिङका १८ कानून व्यवसायीलाई बचाए
बाढीपीडितका लागि ज्वालामूखीका कर्मचारीले सात दिनको तलब सहयोग गर्ने
रसुवा बाढीपहिरोमा नीलकण्ठका २९ जनाको मृत्यु पुष्टि, नगरपालिकाले खोज, उद्धार र अन्त्येष्टि खर्च व्यहोर्ने,भोलि शोक विदा दिने निर्णय
वडा अध्यक्ष अक्षय कोष, नीलकण्ठ कर्मचारी र ब्याडमिन्टन खेलाडीको सहयोगमा नुवाकोटमा राहत वितरण
बाढी प्रभावित नुवाकोटको अक्करेमा पतञ्जली योग समिति धादिङद्वारा सामूहिक भोजन सेवा विपद् प्रभावितको उद्धार र पुनःस्थापनामा ज्वालामूखी जनप्रतिनिधिको एक महिनाको सेवा–सुविधा सहयोग गर्ने
धादिङबेशी, १३ पौष । बागमती प्रदेशका आन्तरिक मामिला तथा कानुन मन्त्री शिवराज अधिकारीले शासन सत्तामा गलत मान्छेहरूको पहुँच पुग्दा समाज र व्यवस्थाले चुनौती भोग्नुपरेको बताउनुभएको छ । आइतबार धादिङको गल्छी गाउँपालिकामा आयोजित ‘सूचनाको हक प्रवर्द्धन सम्बन्धी अन्तरक्रिया कार्यक्रम’लाई सम्बोधन गर्दै मन्त्री अधिकारीले सुशासनका लागि सही पात्रको पहिचान र बिचौलियाहरूको अन्त्य अनिवार्य रहेको उल्लेख गर्नुभयो ।
प्रदेश सूचना पुनरावेदन समितिद्वारा आयोजित उक्त कार्यक्रममा मन्त्री अधिकारीले सूचनाको हकलाई मानिसको नैसर्गिक अधिकारको रूपमा व्याख्या गर्नुभयो ।
“सूचनाको हक जन्मसिद्ध अधिकार हो” : मन्त्री अधिकारीले सूचनाको हक लोकतन्त्रको प्राणवायु भएको बताउँदै भन्नुभयो, “बच्चा जन्मिएपछि रुनु भनेकै उसले आफ्नो हक खोजेको संकेत हो । सूचनाको हक पनि त्यस्तै प्राकृतिक अधिकार हो । अझै पनि संसारका ६५ प्रतिशत देशहरूमा लोकतन्त्र र सूचनाको हक छैन, तर हामीले यसलाई नागरिकको घरदैलोसम्म पुर्याउनु पर्छ ।”
बिचौलिया र भ्रष्टलाई शून्य सहनशीलता : आफ्नो मन्त्रालयमा असल र इमानदार मान्छेहरूलाई मात्र नजिक राख्ने नीति लिएको स्पष्ट पार्दै मन्त्री अधिकारीले भन्नुभयो, “भ्रष्टाचार गर्ने, अनावश्यक काममा अल्झाउने र बिचौलियाको काम गर्नेहरूलाई हामीले पन्छाउनुपर्छ । यदि शासन गर्ने साँचो (Die) राम्रो भयो भने मात्रै समाज पनि राम्रो हुन्छ । हामीले गलत मान्छेलाई शासनको नजिक पुर्याउने गल्ती गर्नु हुँदैन ।”
महिला सहभागिता र समावेशीकरण : मन्त्री अधिकारीले आफ्नो मन्त्रालयमा करिब आधा संख्यामा महिला कर्मचारीहरू रहेको जानकारी दिँदै अहिले देशमा महिला र पुरुष बराबरी रूपमा जिम्मेवारी सम्हाल्ने परम्परा बस्नु सुखद रहेको बताउनुभयो । उहाँले धादिङको उत्तरी भेगका नागरिकलाई सहज हुने गरी आगामी दिनमा पनि यस्ता कार्यक्रम लैजाने प्रतिबद्धता जनाउनुभयो ।
१३ वटै जिल्ला समेट्ने योजना: सूचनाको हकलाई अझ प्रभावकारी बनाउन बागमती प्रदेशका १३ वटै जिल्लाका सूचना अधिकारी, वडा सचिवहरूलाई समेटेर वृहत् छलफल गर्ने मन्त्रालयको योजना रहेको उहाँले जानकारी दिनुभयो । उहाँले भन्नुभयो, “यो समाज हाम्रो साँचोबाट उत्पादन हुने हो, त्यसैले राम्रो समाज बनाउन हामी सबैको साँचो (नियत र पद्धति) सफा हुनुपर्छ ।”
गल्छी गाउँपालिकाको सभाहलमा सम्पन्न उक्त कार्यक्रममा धादिङ जिल्लास्थित प्रदेश मातहतका कार्यालयका सूचना अधिकारीहरू र विभिन्न वडाका वडा सचिवहरूको उपस्थिति रहेको थियो । कार्यक्रममा सूचनाको हकको कार्यान्वयन र पुनरावेदन प्रक्रियाका बारेमा विस्तृत छलफल समेत गरिएको थियो ।
कार्यक्रमका केहि झलकहरु
