नेपाल मगर संघ धादिङको अध्यक्षमा भिम दर्लामी निर्वाचित

धादिङबेशी,१३ पौष । नेपाल मगर संघ धादिङको अध्यक्षमा भीमबहादुर दर्लामी मगर निर्विरोध निर्वाचित भएका छन्। नेपाल मगर संघ जिल्ला समन्वय समिति धादिङको १२औँ जिल्ला अधिवेशनले दर्लामी मगरको अध्यक्षतामा नयाँ कार्यसमिति सर्वसम्मत रूपमा चयन गरेको हो।

नवगठित कार्यसमितिको वरिष्ठ उपाध्यक्षमा भोजबहादुर थापा मगर निर्वाचित भएका छन् भने उपाध्यक्षमा कल्पना थापा मगर र मायादेवी थापा मगर चयन भएका छन्। सचिवमा हरिबहादुर थापा मगर, सहसचिवमा अम्मर सिंह गिदेल मगर र धनबहादुर थापा मगर निर्वाचित भएका छन्। त्यसैगरी कोषाध्यक्षमा निरमाया राना मगर चयन भएकी छन्।

कार्यसमितिका अन्य पदाधिकारीहरूमा कल्पना राना मगर, गोकुल दर्लामी मगर लगायत रहेका छन्।

समितिका सदस्यहरूमा टोपबहादुर थापा मगर, निराजन मगर, मञ्जु राना मगर, लक्ष्मी थापा मगर, डिलबहादुर थापा मगर, नवीन आले मगर, तुलबहादुर मगर, जानुका आले मगर, निरज थापा मगर, खड्कबहादुर थापा मगर, पम्फा पुलामी मगर, राजु लोप्पा मगर, भीमबहादुर राना मगर, सन्तोष मगर र मिरा थापा मगर निर्वाचित भएका छन्।

नवनिर्वाचित अध्यक्ष भीमबहादुर दर्लामी मगरले मगर समुदायको हकहित र अधिकारका लागि कटिबद्ध भएर काम गर्ने प्रतिबद्धता व्यक्त गरेका छन्। उनले मगर समुदायको कला, संस्कृति र पहिचानको संरक्षण तथा संवर्द्धन आवश्यक रहेको उल्लेख गर्दै नेतृत्वदायी भूमिकामा मगर समुदायको पहुँच विस्तार गर्न नेपाल मगर संघ निरन्तर क्रियाशील रहने बताए। समग्र मगर समुदायको सामाजिक, आर्थिक र सांस्कृतिक विकासका लागि संघले प्रभावकारी भूमिका निर्वाह गर्ने उनको भनाइ छ।