धादिङमा बढी आयकर बुझाउने तीन करदाता सम्मानित
नीलकण्ठमा DXN को स्वास्थ्य सचेतना तथा व्यावसायिक अवसरसम्बन्धी तालिम सम्पन्न
धादिङमा उच्च सतर्कता अपनाउन जिल्ला प्रशासन कार्यालय धादिङको आग्रह
पशुपति बहुउद्देश्यीय सहकारीको अध्यक्षमा जयराम भण्डारी चयन
पन्टुन पुल निर्माण सम्बन्धी धुनिवेशीमा बसेको स्थानीय तहका प्रमुखहरुको बैठकले गर्यो यस्ता ४ निर्णय
प्रसन्न स्वास्थ्य आमा सहकारीमा वित्तीय साक्षरता र मनोसामाजिक परामर्श तालिम सुरु
धादिङबेशी,३ पौष । धादिङ–२ बाट आगामी फागुन २१ गते हुने प्रतिनिधि सभा निर्वाचनमा राष्ट्रिय स्वतन्त्र पार्टी (रास्वपा) का बागमती प्रदेश कार्यसमितिका सदस्य राजन आर्याल उम्मेद्वार बन्न इच्छुक देखिनु भएको छ।
रास्वपा धादिङका केही स्थानीय नेताहरूसँग बुझ्दा राजन आर्याल पार्टीका जमिनी कार्यकर्तासँग घुलमिल भएर काम गर्दै आएको नेता भएकाले उहाँको उम्मेद्वारी आकांक्षा स्वाभाविक भएको प्रतिक्रिया दिएका छन्। २०७९ को प्रतिनिधि सभा निर्वाचनमा धादिङ–२ को चुनावी कमाण्ड सम्हालेको अनुभव पनि उहाँसँग छ।
२०७९ सालको निर्वाचनमा रास्वपाकी केन्द्रीय सह–कोषाध्यक्ष बसुमाया तामाङ उम्मेद्वार हुँदा राजन आर्याल ८–१० जना साथीसहित सक्रिय रूपमा चुनावी अभियानमा खटिनुभएको थियो। सो निर्वाचनमा रास्वपाकी उम्मेद्वार तामाङले करिब ६ हजार मत प्राप्त गरेकी थिइन्।
बागमती प्रदेशभित्र स्पष्ट विचार राख्ने, आफ्नो अडानमा अडिग रहने खरो नेताको रूपमा चिनिने आर्याल पार्टी स्थापना भएको दिनदेखि नै निरन्तर सक्रिय रहँदै आउनुभएको छ। २०७९ फागुन ७ गते सम्पन्न रास्वपाको बागमती प्रदेशको विस्तारित भेलामा उहाँ खुला तर्फबाट १२७ मतसहित प्रदेश कार्यसमितिको सदस्यमा निर्वाचित हुनुभएको थियो।
जिल्लामा संगठन निर्माणमा निरन्तर योगदान दिएको नेताका रूपमा चिनिँदै आएका आर्यालको नाम गएको २० गते काठमाडौँको स्वयम्भूमा सम्पन्न पार्टी कार्यक्रममा पनि चर्चामा आएको थियो। सो कार्यक्रममा एक जना पालिका सभापतिले धादिङ–२ बाट उम्मेद्वार छनोट गर्दा राजन आर्याल, पार्टी सभापति डोलप्रसाद आर्याल, केन्द्रीय सदस्य उपेन्द्र पाण्डे तथा जिल्ला उपसभापति गोपाल गुरुङमध्येबाट चयन हुनुपर्ने धारणा राख्नुभएको थियो।
यद्यपि पछिल्लो समय पार्टी प्रवेश गरेका संगठन विभागका उपप्रमुख बोधनारायण श्रेष्ठ, नेपाली कांग्रेसको जिल्ला सदस्य पद त्यागेर रास्वपा प्रवेश गरेका कृष्णमान शाक्य, केशव अधिकारी, गोपाल गुरुङलगायत नेताहरूको नाम पनि उम्मेद्वारीका लागि चर्चामा रहेको छ।
पार्टीभित्रको आन्तरिक चर्चाबारे राजन आर्यालसँग फोन सम्पर्क गर्दा उहाँले साथीभाइसँग सल्लाह भइरहेको प्रतिक्रिया दिनुभयो। इच्छुक जो कोही उम्मेद्वार भए पनि यसपटक धादिङ–२ मा रास्वपाका उम्मेद्वारले निर्वाचन जित्ने दाबी उहाँको छ।

स्थानीय मुद्दादेखि राष्ट्रिय सरोकारसम्म, भरपर्दो समाचार र जनताको आवाजलाई जोड्ने निलकन्ठ एफ.एम. र अनलाइन खबर पोर्टल ।
निलकन्ठ एफ.एम. (Neelkantha F.M.)
निलकन्ठ नगरपालिका-३, धादिङ्ग
बागमती प्रदेश, नेपाल
प्रेस काउन्सिल दर्ता न: ......
सूचना विभाग दर्ता नम्बर: .....
| अध्यक्ष : | बद्रि अधिकारी |
| प्रधानसम्पादक : | ..... |
| कार्यक्रारी सम्पादक : | |
| ब्यबस्थापक : | .... |
| कानूनी सल्लाहकार : | ..... |
| बजार ब्यबस्थापक : | ..... |
ताजा समाचार, विशेष सामग्री र रेडियो कार्यक्रम सुन्न हामीसँग जोडिनुहोस् ।