रायटार मुल सडक टोल विकास संस्थाको अध्यक्षमा भोजबहादुर परियार चयन

धादिङबेशी,२३ कात्तिक । रायटार मुल सडक टोल विकास संस्थाको अध्यक्षमा भोजबहादुर परियार चयन हुनुभएको छ । शनिबार सम्पन्न संस्थाको १२ औँ साधारण सभा तथा ७ औँ अधिवेशनबाट भोजबहादुर परियार सर्वसहमत अध्यक्षमा चयन हुनुभएको हो ।

गठित नयाँ समितिको उपाध्यक्षमा बल बहादुर पौडेल,सचिवमा हिरा श्रेष्ठ, कोषाध्यक्षमा गायत्री पोखरेल चयन हुनुभएको छ । त्यसैगरी समितिका सदस्यहरुमा सविता श्रेष्ठ,रविना पौडेल,राजकुमार गुभाजु,रामबहादुर श्रेष्ठ,उजित नारायण श्रेष्ठ,पुतली थापा र जनक थापा रहनुभएको छ ।

नवनिर्वाचित रायटार मुल सडक टोल विकास संस्थाको अध्यक्षमा भोजबहादुर परियारले टोल विकासको निमित्त आफु प्रतिबद्ध भएर लागीपर्ने बताउनु भयो ।