धादिङमा निजी विद्यालयहरूको स्कुल बस ¥याली

धादिङ, भदौ १६ गते ।
धादिङका निजी तथा आवासीय विद्यालयहरूले स्कुल बस ¥याली निकालेका छन् । संघीय शिक्षा ऐनमार्फत निजी विद्यालय बन्द गर्ने तयारी भइरहेको भन्दै सोमबार स्कुल बससहित ¥याली निकालेका हुन् ।

“गुणस्तरीय शिक्षा–निजी विद्यालयको प्रतिबद्धता” भन्ने मूल नारासहित प्याब्सन, नेशनल प्याब्सन, हिसान, अपेन र एनएमएले संयुक्त रूपमा ¥यालीको आयोजना गरेको हो ।

३० भन्दा बढी स्कुल बस सहभागी ¥याली धादिङबेसी नीलकण्ठ–८ साँघुटारबाट सुरु भई सिरान बजारसम्म पुगेको थियो ।

प्याब्सन धादिङका अध्यक्ष दिनेश भट्टले शिक्षा ऐनमा समावेश भएका प्रावधानले निजी विद्यालयमाथि अन्याय गरेको भन्दै असन्तुष्टि व्यक्त गर्नभयो । उहाँले अनिवार्य रूपमा पूर्ण छात्रवृत्ति, पोशाक, स्टेशनरी तथा खाना–खाजा उपलब्ध गराउनुपर्ने र कम्पनी ऐनअन्तर्गत दर्ता भएका विद्यालयलाई गैरनाफामूलक बनाउन खोजिएको व्यवस्था अस्वीकार्य रहेको बताउनुभयो ।

त्यस्तै, उपाध्यक्ष टिका प्रसाद थपलियाले शिक्षा समितिबाट पारित भएका नयाँ शिक्षक विधेयकका केही बुँदाप्रति गम्भीर ध्यानाकर्षण गराइएको उल्लेख गर्दै, त्यसको विरोधस्वरूप स्कुल बस ¥याली निकालिएको जानकारी दिनुभयो।

विद्यालयहरूको आन्दोलनमा धादिङ उद्योग वाणिज्य संघका अध्यक्ष रामकुमार डल्लाकोटीले समेत ऐक्यबद्धता जनाउनुभएको छ ।