माओवादी केन्द्र धादिङको संघिय क्षेत्र न २ को संयोजकमा आशिष र नीलकण्ठ नगरको ईन्चार्जमा शम्भु श्रेष्ठ चयन

धादिङबेशी ४, भाद्र । नेपाल कम्युनिष्ट पार्टी (माओवादी केन्द्र) धादिङको जिल्ला कार्यालयको बैठकबाट नयाँ जिम्मेवारी तोकेको छ ।

बैठकले संघ, प्रदेश, पालिका इन्चार्ज तथा संयोजक तोक्ने निर्णय गरेको जानकारी दिएको छ । सो अनुसार क. हरि अधिकारी (आशिष) लाई संघीय क्षेत्र नं. २ को संयोजकको जिम्मेवारी तोकिएको छ भने क. शम्भु कुमार श्रेष्ठलाई नीलकण्ठ नगरपालिकाको इन्चार्ज बनाइएको छ ।

नेपाल कम्युनिष्ट पार्टी (माओवादी केन्द्र) धादिङका इन्चार्ज पुष्क विक्रम मल्ल (सिंह) को हस्ताक्षर सहित सार्वजनिक गरिएको निर्णयमा पार्टीलाई अझ सशक्त र सुदृढ बनाउन नयाँ जिम्मेवारी दिईएको उल्लेख गरिएको छ ।