नीलकण्ठ बालमन्दिर मा०बि ISO-21001 गुणस्तर प्राप्त गर्ने नेपालकै दोश्रो सामुदायिक बिद्यालय

धादिङबेशी २०,जेष्ठ । धादिङको नीलकण्ठ बालमन्दिर माध्यमिक विद्यालय ISO गुणस्तर प्राप्त गर्ने नेपालकै दोश्रो सामुदायिक बिद्यालय बनेको छ ।

आईतबार ५१ औं वार्षिक उत्सवको अवसरमा बिद्यालयले शैक्षिक संस्था व्यवस्थापन प्रणाली सम्बन्धि गुणस्तर चिन्ह आइएसओ २१००१ समेत प्राप्त गरेको हो । अन्तर्राष्ट्रिय गुणस्तर सङ्गठन आइएसओ को मापपदण्ड पुरा गरेको कारण प्रमाणपत्र प्रदान गरिएको छ ।

बिद्यालयको सबै सर्टिफिकेटहरूमा ISO सर्टिफिकेट ब्याज हुनेभएकाले विश्व बजारमा अव सर्बमान्य प्रमाणपत्र बिद्यार्थीहरूले प्राप्त गर्नेछन् । अव बिद्यालयले आगामी २ बर्षमा हुने Full Academic Auditमा पास हुनुपर्ने चुनौति थपिएको छ ।

विद्यालयले विभिन्न कार्यक्रमको आयोजना गरि वार्षिक उत्सव मनाएको थियोे । वार्षिक उत्सवको अवसरमा आयोजित कार्यक्रममा विभिन्न प्रतिस्पर्धाका विजयीहरुलाई पुरस्कार वितरण, उत्कृष्ठ शिक्षक कर्मचारीहरुलाई सम्मानको साथमा विभिन्न मनोरञ्जनात्मक कार्यक्रम गरिएको थियो ।

वार्षिक उत्सव समारोहको सम्बोधन गर्दै जिल्ला समन्वय समिति धादिङका प्रमुख नवराज अधिकारीले जिल्लाको केन्द्रमा रहेको विद्यालयले शैक्षिक गुणस्तरमा फोकस गर्नु पर्ने कुरामा जोड दिनु भएको थियो ।

वार्षिक उत्सवकै अवसरमा प्राप्त गरिएको आइएसओ प्रमाणपत्रले विद्यालयको विश्वास र उचाई थप उचो भएको विद्यालय व्यवस्थापन समितिका अध्यक्ष दिपक कोईरालाले बताउनु भयो ।