नीलकण्ठमा DXN को स्वास्थ्य सचेतना तथा व्यावसायिक अवसरसम्बन्धी तालिम सम्पन्न
धादिङमा उच्च सतर्कता अपनाउन जिल्ला प्रशासन कार्यालय धादिङको आग्रह
पशुपति बहुउद्देश्यीय सहकारीको अध्यक्षमा जयराम भण्डारी चयन
पन्टुन पुल निर्माण सम्बन्धी धुनिवेशीमा बसेको स्थानीय तहका प्रमुखहरुको बैठकले गर्यो यस्ता ४ निर्णय
प्रसन्न स्वास्थ्य आमा सहकारीमा वित्तीय साक्षरता र मनोसामाजिक परामर्श तालिम सुरु
सुरक्षित वैदेशिक रोजगारका लागि सचेतना र समन्वयमा जोड
धादिङ, बैशाख २४ गते ।
धादिङको त्रिपुरासुन्दरी गाउँपालिकालाई पूर्ण खोप सुनिश्चितता तथा दिगोपना प्रमाणीकरण गरिएको छ । ‘पूर्ण खोप सुनिश्चित भविष्य’ भन्ने नाराका साथ पूर्ण खोप सुनिश्चितता तथा दिगोपना प्रमाणीकरण कार्यक्रम सफलतापूर्वक सम्पन्न गरिएको हो ।
गाउँपालिकाको ७ वटै वडालाई पूर्ण खोप सुनिश्चितता घोषणा गरिएको र हाल सोही तथ्यांक र सूचकका आधारमा पूर्ण खोप सुनिश्चितता पालिका घोषणा गरिएको स्वास्थ्य शाखा प्रमुख यम बहादुर श्रेष्ठले बताउनुभयो । उहाँले भन्नुभयो, “राष्ट्रिय खोप तालिकाअनुसार १५ महिनासम्मका उमेर समूहका बालबालिकाले खोप लगाएको सुनिश्चित गरिएपछि पूर्णखोपयुक्त सुनिश्चित पालिका घोषणा गरिएको हो ।”
श्रेष्ठका अनुसार १५ महिनासम्मका ३१५ जना बालबालिकाले १५ प्रकारका सबै खोप लगाएका छन् । यस प्रक्रिया अन्तर्गत तथ्याङ्क संकलन, विश्लेषण, स्थलगत अध्ययन लगायतका सबै चरणहरू पूरा गरिएको थियो ।
त्रिपुरासुन्दरी गाउँपालिका, जिल्लाभित्रका १३ स्थानीय तहमध्ये दोस्रो स्थानमा पूर्ण खोप सुनिश्चितता तथा दिगोपना प्रमाणीकरण पाउने पालिका बनेको हो ।
कार्यक्रमको अवसरमा न्यूनतम सेवा मापदण्ड कार्यक्रमअन्तर्गत उत्कृष्ट स्वास्थ्य संस्थाहरूलाई सम्मान गरिएको छ । जसअन्तर्गत आगिनचोक स्वास्थ्य चौकी प्रथम, सोनामकोट स्वास्थ्य चौकी दोस्रो, र मुलपानी स्वास्थ्य चौकी तेस्रो भएको छ ।
यस्तै, स्वास्थ्य सम्बन्धी तथ्याङ्क व्यवस्थापनमा जिल्लामै उत्कृष्ट भएको सल्यानकोट स्वास्थ्य चौकीलाई सम्मान गरिएको छ भने गाउँपालिकाभित्रका स्वास्थ्यकर्मीहरूलाई पनि विशेष सम्मान गरिएको छ।
त्रिपुरासुन्दरी गाउँपालिकाका अध्यक्ष तथा पालिका स्तरीय खोप समन्वय समितिका संयोजक राजु उप्रेतीको अध्यक्षतामा सम्पन्न भएको कार्यक्रममा जनस्वास्थ्य कार्यालयका निमित्त प्रमुख तथा खोप सुपरभाइजर श्याम प्रसाद पोखरेल कार्यक्रमका प्रमुख आतिथ्यता रहेको थियो ।






मुख्य समाचार
मुख्य समाचार
स्थानीय मुद्दादेखि राष्ट्रिय सरोकारसम्म, भरपर्दो समाचार र जनताको आवाजलाई जोड्ने निलकन्ठ एफ.एम. र अनलाइन खबर पोर्टल ।
निलकन्ठ एफ.एम. (Neelkantha F.M.)
निलकन्ठ नगरपालिका-३, धादिङ्ग
बागमती प्रदेश, नेपाल
प्रेस काउन्सिल दर्ता न: ......
सूचना विभाग दर्ता नम्बर: .....
| अध्यक्ष : | बद्रि अधिकारी |
| प्रधानसम्पादक : | ..... |
| कार्यक्रारी सम्पादक : | |
| ब्यबस्थापक : | .... |
| कानूनी सल्लाहकार : | ..... |
| बजार ब्यबस्थापक : | ..... |
ताजा समाचार, विशेष सामग्री र रेडियो कार्यक्रम सुन्न हामीसँग जोडिनुहोस् ।