मार्पाकमा पाँचौ पालिका स्तरीय हस्तलेखन प्रतियोगिता हुने

धादिङ, २० चैत्र ।
नेत्रावती डबजोङ गाउपालिका वडा नं–१ मार्पाकमा रहेको निरन्जना माध्यामिक विद्यालयमा हस्तलेखन प्रतियोगिता हुने भएको छ । बैशाख १२ गते पाँचौ पालिका स्तरीय हस्तलेखन प्रतियोगिता हुने भएको हो ।

मार्पाक सामुदायिक क्लबको आयोजनामा हुने प्रतियोगितामा वडा नं. १ को संरक्षणत तथा निरन्जना माध्यामिक विद्यालयको संयोजनमा रहेको छ । साथै सह–आयोजक निरन्जना एस एल सी ब्याच २०५६ रहेको छ भने प्रायोजकमा चन्द्र ब.– बुनादेवी अधिकारी अक्षयकोष समिति रहेको छ ।

पाचौ सस्करणमा पनि गाउँपालिका भित्रका बिध्यालयका कक्षा ५ देखि कक्षा १० सम्मका बिध्यार्थीहरु सहभागी हुन पाउनेछन् ।
प्रतियोगितामा प्रथम, द्धितिय र तृतिय हुनेले नगद सहित ट्रफी मेडल र प्रमाणपत्र प्राप्त गर्नेछ साथै चतुर्थ र पाचौ हुने ३ जनालाई पनि नगद र प्रमाणपत्र प्रदान गरिने छ ।

छैटौ हुने ४ जनालाई पनि आकर्षक गिफ्ट र प्रमाणपत्र, सानत्वना हुनेहरुलाई सहभागिताको पुरस्कार प्रदान गरिने प्रतियोगिता संयोजक मार्पाक सामुदायिक क्लबका महासचिव काजिराम अधिकारीले जानकारी दिनुभयो ।

तेस्रो तथा चौथो सस्करणको हस्तलेखन प्रतियोगिताको बिजेता लगातार कुण्डलादेवी माध्यामिक विद्यालयकी युनिका श्रेष्ठ भएकी थिईन ।

टिभी पार्टनरमा दिब्यदर्शन टेलिभिजन, रेडियो पार्टनरमा निलकण्ठ एफ. एम, अनलाईन मिडिया पार्टनरमा भिजन न्युज नेपाल, जन अपडेट, धादिङ्ग सन्चार र गुल्मि बुलेटिन रहेको छ भने प्रिन्टिङ्ग सपोर्टमा न्यु जुम फोटो स्टुडियो म्हेपी रहेको छ ।