नीलकण्ठले जित्यो प्रथम नीलकण्ठ मेयर फुटसलको उपाधी

धादिङ,११ फागुन
धादिङको नीलकण्ठ नगरपालिकामा सम्पन्न भएको प्रथम नीलकण्ठ मेयर फुटसल कपको उपाधी नीलकण्ठ नगरपालिकाले जितेको छ । शनिवाबार सम्पन्न प्रतिस्पर्धात्मक खेलमा रुवीभ्याली गाउँपालिकालाई ६–३ गोलले हराउदै उपधी रक्षा गरेको हो । गत बर्ष सम्पन्न भएको फुटसल प्रतियोगिता पनि नीलकण्ठलैनै जितेको थियो । लगातार दुई पटक सम्म उपाधी नीलकण्ठ नगरपालिकाले जितिसकेको छ ।नीलकण्ठ सँग हार व्यहोरेको रुवीभ्याली गाउँपालिका दोस्रो बन्न सफल भएको छ ।

प्रतियोगितामा धादिङ अस्पताल तेस्रो र गोर्खा नगरपालिकाले चौथो स्थान सुरक्षित गरेको हो । उपाधि विजेता नीलकण्ठ जायन्ट्सले नगद १ लाख १ हजार १११ रुपियाँ सहित ट्रफी, मेडल र प्रमाणपत्र प्राप्त गरेका छन् । त्यस्तै, द्धितिय, तृतिय र सान्त्वना हुनेले क्रमशः ५१ हजार १११ रुपियाँ, २५ हजार र २० हजार रुपियाँसहित ट्रफी, मेडल र प्रमाणपत्र प्राप्त गरेका छन् ।त्यस्तै विधागततर्फ नीलकण्ठ जायन्ट्सका रवि भण्डारी सर्वाधिक गोलकर्ता(३३ गोल), उत्कृष्ट डिफेन्डर सरोज पाण्डे र उत्कृष्ट गोलरक्षक बल बहादुर तामाङ घोषित भएका छन् ।

उत्कृष्ठ खेलाडी भने धादिङ अस्पतालका डाक्टर जीवन घिमिरे घोषित भएका छन् । विधागततर्फ उत्कृष्ठ खेलाडीहरुलाई नगद ६–६ हजारसहित ट्रफी, मेडल र प्रमाणपत्र प्रदान गरिएको छ ।नीलकण्ठ नगरपालिकाको शिक्षा, युवा तथा खेलकुद शाखाको आयोजनामा सम्पन्न अन्तरपालिका स्तरीय फुटसल प्रतियोगितामा १८ समूहले सहभागीता जनाएका थिए ।

प्रतियोगिताको समापन समारोहको सम्बोधन गर्दै नीलकण्ठ नगरपालिकाका नगर प्रमुख एवम् नेपाल नगरपालिका संघका अध्यक्ष भिम प्रसाद ढुंगानाले नीलकण्ठमा खेलकुद क्षेत्रलाई विशेष प्राथमिकतामा राखेर विभिन्न खेलकुद प्रतियोगिता आयोजना गर्दै आईरहेको बताउनुभयो । नीलकण्ठ नगरपालिकालाई खेलकुद क्षेत्रको हब बनाउने गरी काम गरीरहेको बताउनुभयो ।जिल्ला स्तरीय,प्रदेश स्तरिय खेलहरु सन्चालन गर्दै आईरहेको भन्दै उहाँले खेलकुदको कार्यक्रमले आर्थिक क्षेत्र चलायमान हुने बताउनुभयो ।