जिल्ला स्तरीय कराँते प्रतियोगितामा नीलकण्ठ डोजो पहिलो

धादिङ,६ माघ
धादिङको नीलकण्ठ नगरपालिका वडा नम्बर ४ मा सन्चालन भएको जिल्ला स्तरीय कराँते प्रतियोगितामा नीलकण्ठ डोजो प्रथम भएको छ । ईन्टरनेशनल वादो फेडेरेशन नेपाल, नीलकण्ठ डोजो धादिङ र नीलकण्ठ स्पोर्टस् क्लब को संयुक्त आयोजनामा नीलकण्ठ नगरपालिका वडा नम्बर ४ अल्छिडाँडामा भएको प्रतियोगितामा बिभिन्न तौल समुहका पुरुष र महिलाको प्रतियोगितामा नीलकण्ठ डोजो पहिलो भएको हो । प्रतियागितामा ७५ ओटा खेलहरुमा २५० जना खेलाडीहरु सहभागि भएका थिए ।

कार्यक्रमलाई सम्बोधन गर्नुहुदै कार्यक्रमका प्रमुख अतिथी तथा नीलकण्ठ नगरपालिकाका नगर प्रमुख भीमप्रसाद ढुंगानाले खेलहरु मानिसको स्वास्थ्य, स्फुर्ती र सर्वाङ्ग बिकासको लागि अभिन्न रहेको बताउनुभयो । आफुपनि कराँते नसकेपनि दैनिक रुपमा खेलहरु खेल्ने र खेलहरु नखेलेको दिन आलस्य रहने गरेको स्मरण गर्दै नीलकण्ठ नगरपालिकाले खेलकुदको क्षेत्रमा कामहरु गरिरहेको बताउनुभएको छ ।सम्पुर्ण खेलहरु अल नेपाल वादो काई कराते एशोसियसन को मापदण्ड अनुसार खेलाईएको वादो काई कराते डो संघ नेपालका प्रतिनिधी प्रमुख प्रशिक्षक निरज महर्जनले बताउनुभएको छ ।

प्रतियोगितामा पहिलो, दोस्रो र तेस्रो हुने डोजोलाई ट्रफी प्रदान गरिएको थियो भने उत्कृष्ट हुने खेलाडी तथा पहिलो, दोस्रो र तेस्रो हुने खेलाडीहरुलाई मेडल र प्रमाणपत्र प्रदान गरिएको थियो । नीलकण्ठ नगरपालिकाका प्रमुख भीम प्रसाद ढुंगानाको प्रमुख आतिथ्यतामा सम्पन्न भएको कार्यक्रममा नेपाल नगरपालिका संघका सल्लाहकार सरोज अधिकारी, अल नेपाल वादो काई कराते एशोसियनँका प्रतिनिधी मोहन महर्जन, वादो काई कराते डो संघ नेपालका प्रतिनिधी निरज मर्जन, राजनीतिक दलका प्रतिनिधी, समाजसेवी लगायतको आतिथ्यता रहेको थियो ।